Heimasjúkrarøkt

Heilsu - og sjúkrarøkt til heimabúgvandi

Heimasjúkrarøkt fyribyrgir sjúku, stimbrar sálarliga og likamliga heilsu og trivnað borgarans, mennir aftur mistan førleika og stimbrar møguleika hin einstaka at klára seg sjálvan og veita røkt og umsorgan.

Tørvar tær sjúkrarøkt í sambandi við bráðfeingis ella varandi sjúku, kann sjúkrarøktarfrøðingur í Heimatænastuni veita tær umsorgan, heilsu- og sjúkrarøkt heima hjá tær ella á viðgerðarstovu í Heilsuhúsinum, Tórsgøta 25.

Hvussu fái eg sjúkrarøkt?
Tú kanst fáa viðgerð og sjúkrarøkt eftir tilmæli frá kommunulækna, sjúkrahúsi ella sjúkrarøktarfrøðingi. Tú kanst eisini sjálv/ur seta teg í samband við Heilsu- og umsorganartænastuna hjá Tórshavnar kommunu. Avgerð um at veita sjúkrarøkt verður tikin við støði í fakligari meting.

Viðgerðarstovan
Viðgerðarstovan er til teirra, ið megna sjálv at koma. Avtala verður gjørd við sjúkrarøktarfrøðingarnar, nær til ber at møta.

Kostar tað nakað at fáa heimasjúkrarøkt?
Heimasjúkrarøkt er uttan kostnað og er til borgarar í øllum aldri - bæði til bráðfeingis og varandi sjúku.

Kunna teg nærri
Tel 30 20 00
kl. 8:00-15:00 yrkadagar

Teldupostur: heilsuhusid@torshavn.fo