Minnissvinn

Eldraráðgevarnir hjá Tórshavnar kommunu hava útbúgving sum demenssamskiparar og kunnu ráðgeva, um tú ella onkur av tínum næstringum hava minnissvinn (demens).

Fyrsta teknið um minnissvinn er, at tú fert at gloyma ymiskt til dømis, hvat hendi í gjár, hvat júst er sagt, ella hvar lyklarnir liggja. Hinvegin minnist tú, hvat hendi fyrr í tíðini á barna- og ungdómsárum. Les meira um sjúkueyðkenni HER.

Demenssamskipararnir kunnu koma á heimavitjan og tosa um støðuna. Eisini kunnu teir vísa á tilboð í kommununi til fólk við minnissvinni og teirra avvarðandi.

Heim og dagtilhald

Í kommununi eru røktarheim, ið burturav taka sær av fólki við minnissvinni. Hemið við Vallalíð hýsir 16 húsfólkum. Handarastova á Lágargarði hýsir 16 húsfólkum. Boðalon á Boðanesheiminum hýsir 12 húsfólkum og Hólmslon, sum er serlig búeind bygd til at hýsa, 4 frontaldementum.

Haraftrat hevur Tjarnargarður eina dagdeild, Tjarnarlon, til minnisveik, har 10 fólk kunnu vera í senn. Og í Stjørnulon í Jøkulsstræti er dag- og kvøldtilhald, ið hýsa tilsamans 16 fólkum.
Upplatingartíðir
Kaffistovan í Degnshúsi er opin mánadag og hósdag kl.9-14.
Kaffistova í Degnshúsi
Heimið við Vallalíð skipar fyri serligari kaffistovu í Degnshúsi ætlað fólki við minnissvinni og familjum og vinum teirra.

Les skránna HER.
Kunna teg nærri
Soleiðis fært tú tosað við samskipararnar:

Poula Sørensen
Tel. 50 70 88
Mán og Hós kl. 8.00-14.00

Anna Rubeksen
Tel. 21 60 26
Mán og Hós kl. 8.00-14.00

Alzheimerfelagið
Alzheimerfelagið
Tórsbyrgi 16
FO-100 Tórshavn
Tel. 31 31 02
T-postur
Netsíða: alzheimer.fo