Lestrarhøli


Tórshavnar kommuna bjóðar lesandi at sita á Býarbókasavninum um jólini og í summarfrítíðini. Lestrarhølini eru á ovastu hæddini, ið verður latin lesandi burturav. Hølini liggja væl fyri við sjálva gongugøtuna.

Í lestrarhølinum kunnu lesandi sita í frið og náðum og arbeiða við uppgávum og lestri annars.

Hetta er eitt tilboð til teirra, ið eitt nú eru heima á jólum og í summarfrí og hava tørv á einum friðarligum staði at lesa og arbeiða.

Støðugt fleiri lesa eisini á Setrinum í Føroyum, og tí er hetta eisini eitt hent stað hjá hesum at savna seg um lesnaðin í friðarligum umhvørvi. Øll lesandi á hægri lestri eru vælkomin at nýta hølini.

Lestrarhúsið er opið frá 26. juni 2017 til 20. august 2017, og tað er opið, tá ið Býarbókasavnið er opið. Hølini verða eisini opin á jólum 2017. 

Upplatingartíðir:
mánadag - hósdag: 9 -21
fríggjadag: 9-18
leygardag: 10-16
sunnudag: 14-17

Ókeypis net er í Lestrarhúsinum.


Kunna teg nærri
Tørvar tær meira kunning ella hevur tú einhvønn spurning viðvíkjandi Lestrarhølunum, so er at ringja ella skriva:

Høgni Reistrup
Tel 273044
T-postur: hognir@torshavn.fo