Lendisarkitektur
Ver við til at menna eina burðardygga býar- og lendisplanlegging í høvuðsstaðnum, har serligur dentur er á at menna og framtíðartryggja lendisviðurskiftini og landslagið í Tórshavnar kommunu.

STARVIÐ
Talan er um eitt spennandi og fjølbroytt starv í einum skapandi umhvørvi. Høvuðsuppgávan er at tryggja eina burðardygga lendisplanlegging í býarskipanarligum samanhangi, sum m.a. fevnir um lendisskipanir, útstykkingar, fríøki, tilhaldsøki, spælipláss, gøtur o.a. Starvið fevnir bæði um planleggingaruppgávur, tekniuppgávur, eins og umsitingarligar uppgávur í mun til borgarar, stovnar og kommunalpolitisku skipanina.

Býarskipanardeildin umsitur m.a. kommunuætlanina, temaætlanir og politikkir undir kommunuætlanini og býar- og lendisskipanarlig viðurskifti.

TÍN VANGAMYND
Umsøkjari skal hava útbúgving sum lendisarkitektur ella líknandi, umframt serligan áhuga til lendisviðurskifti. Tað er ein fyrimunur, um tú hevur royndir frá líknandi starvi. Tú skalt duga væl at samskifta á norðurlendskum, eins og góður førleiki innan vanligu telduforritini er ein treyt. Í sambandi við starvið, skalt tú somuleiðis skráseta arbeiðið í okkara GIS-skipan.

TAÐ EYÐKENNIR TEG, AT TÚ:
• 
ert ágrýtin og megnar sjálvstøðugt at skapa úrslit

ert opin, útvend/-ur og hevur góð samstarvsevnir

ert tilvitað/-ur um góðsku og er fakliga dugnalig/-ur

ert úrslitssøkin og kann vísa á góð úrslit

TÍ SKALT TÚ VELJA OKKUM
Tú gerst partur av eini strategiskari menningardeild, har høvuðsdenturin er á býarmenning, har trivnaður borgarans er í hásæti. Vit eru ein framsøkin deild, sum arbeiðir við at menna og betra karmarnar í Tórshavnar kommunu heilt frá at gera fyribils átøk, miðalstórar menningarverkætlanir og størri verkætlanir. At arbeiða saman við okkum gevur tær møguleikan at hava eina ávirkan á, hvussu kommunan skal mennast og harvið vera við til at stimbra verandi karmar í kommununi.

SETANARVIÐURSKIFTI
Starvið verður sett og lønt sambært avvarðandi sáttmála.

UMSÓKN
Umsókn saman við prógvum, viðmælum og upplýsingum um útbúgving og royndir verða at senda til torshavn@torshavn.fo í seinasta lagi týsdagin 2. januar 2018 kl. 12.00.

Merk umsóknina „Lendisarkitektur til býarskipanardeildina“.

UM TÚ VILT VITA MEIRA
Meiri fæst at vita um starvið við at venda sær til virkandi býararkitekt Eyð Strøm, eyds@torshavn.fo, telefon 302010.

TÓRSHAVNAR KOMMUNA SÆR FJØLBROYTNI SUM EINA STYRKI. VER VÆLKOMIN AT SØKJA.

Fleiri størv
Trýst her
Starvsvenjing
í Føroyum