Tórshavnar Marathon 2017


Stongdir vegir leygardagin 3. juni eru at síggja HER

Tórshavnar Marathon 2017 er leygardagin 3. juni. Talan er um eitt sera stórt tiltak við útlendskari luttøku.

- Vit vilja bjóða føroyingum og útlendskum rennarum eitt gott og spennandi marathon í Havn, á sama hátt sum marathon í London, Berlin, New York og nógva aðrastaðni, sigur Annika Olsen, borgarstjóri.

- Tiltakið veksur ár um ár, og tað legst aftrat við útlendingum, sum koma higar at renna eitt vakurt og serstakt marathon, sigur borgarstjórin.

Renningin verður skipað dagin eftir Mentanarnáttina soleiðis, at gestir í býnum fáa eina stóra uppliving. Nógv undirhald og nógvir áskoðarar vera eisini í býnum. Byrjað og endað verður á Vaglinum.

Umfatandi fyrireiking

Tórshavn Marathon verður runnið fyri fimtandu ferð í ár. Nógvir vegir eru stongdir í styttri og longri tíðarskeið henda dagin. Fyrstu vegirnir verða stongdir kl. 12:30, og onkrir vegir eru stongdir í 6,5 tímar.

Myndina omanfyri hevur Einar Vang tikið. Fleiri myndir eru at síggja her.
Vegir stongdir
Soleiðis eru vegirnir stongdir leygardagin 3. juni í Havn, Kollafirði, Kaldbaksbotni og Kaldbak. Hygg her