Ruddingardagar

Til ber at melda seg til ruddingardagin fyri skúlar, virkir og stovnar í Tórshavnar kommunu fríggjadagin 21. apríl ella til almenna ruddingardagin fyri eigarafeløg, ítróttarfeløg, skótar og øll onnur leygardagin 22. apríl.

Ruskposar skulu avheintast ókeypis á Gomlu Sløkkiliðsstøðini í Varðagøtu 5, týsdag til fríggjadag (18. - 21. apríl) kl. 8.00 - 15.00.

Melda til HER.

Evnið fyri Umhvørvisvikuna 2017 er plastnýtsla og plastdálking, tí fáa øll útflýggja tveir ymiskar posar til ruddingardagin:

• Ein posa til plastburturkast
• Ein posa til annað burturkast

Plastburturkastið, sum verður savnað á ruddingardøgunum, verður sýnt fram í Umhvørvisvikuni 2017, sum verður 26.-29. apríl.

Tá ið liðugt er at rudda, kunnu ruskposarnir setast fram við vegnum og fyri avheintan ringja á

1. Tel 254010 fyri Tórshavn
2. Tel 254003 fyri Kollafjørð

Somuleiðis ber til sjálvi at avhenda ruskposarnar á Kommunalu Brennistøðini á Hjalla millum kl. 10.00-17.00.
Bingjur verða settar á hesi økir: Nólsoy, Kollafirði, Kaldbak, Hvítanesi, Hesti, Velbastað, Kirkjubø, Norðradali, Havnardali og Skálatrøð.

Vinningur á krónur 5.000 verður latin. Ver við í lutakastinum. Treytirnar eru hesar:

1. at ein bólkur á minst 10 og í mesta lagi 30 persónum ruddar eitt økið
2. at bólkurin sendir 3-5 myndir frá degnum til uv@torshavn.fo

Seinasta freist at melda seg til ruddingardagar er mikudagin 19. apríl.
Tak niður skránna
Til ber at taka niður skránna fyri Umhvørvisvikuna 2017 HER.