Á Hamrabøi


Arbeiðið at útvega nýggj grundøki í Kollafirði er sett í verk. Tað eru 28 ár síðani, seinasta útstykkingin var í Kollafirði. Men nú er bíðitíðin av.

Stykkini liggja sera væl fyri við góðum útsýni, og tað fer eisini at bera til at leingja útstykkingina út móti Kjalnesi seinni, verður tørvur á hesum.

Talan er um 22 grundøki, og miðal víddin er 544 fermetrar. Samlaða økið er smáar 12.000 fermetrar til støddar.

Pól Adrian Poulsen frá verkætlanardeildini í Tórshavnar kommunu hevur fakeftirlitið og byggileiðsluna.

Arbeiðstøka

HMP-Consult hava verið ráðgevar og hava gjørt høvuðsverkætlanina. Felagið Við Sjógv Sp/f. átti lægsta tilboðið at gera 320 metrar av sokallaðum 2 minus 1 vegi. Upphæddin er 6.141.908 krónur.

Filmur um 2 minus 1 veg sæst HER.
Um útstykkingina
Sølutilfar um útstykkingina á Hamrabøi sæst HER
Lutakast um 12 grundøki
Hesi grundøki eru við í lutakastinum á Hamrabøi í Kollafirði: 1, 2, 3, 4, 7, 10, 11, 12, 13, 15, 16 og 18. Yvirlit yvir øll 12 grundøkini sæst HER