KT-deildin

Á KT-deildini starvast 12 starvsfólk við fjølbroyttum útbúgvingum og royndum. Tey eru tænastuumsitarar, kervisumsitarar og verkætlanarleiðarar.

Útbúgvingar

Teldustøðingar
Bachelorar og kandidatar í KT og búskapi.

Uppgávur gerandis
Deildin stuðlar upp undir KT-arbeiðið hjá øllum deildum í Tórshavnar kommunu. Deildin virkar fyri at gera arbeiðsgongdir snildari, íverkseta munadyggari tænastur og kravfesta nýggjar arbeiðsgongdir og skipanir.

Verkætlanir

KT-deildin arbeiðir við Smart City, kravfestingum til nýggja skipan á dagstovnaøkinum, munadyggari KT-kervi og hyggur at loysnum og møguleikum í skýnum (cloud). Talgilding hevur høga raðfesting í Tórshavnar kommunu.Vit talgilda oyðubløð, mannagongdir og annað, sum er til gagns fyri bæði starvsfólk og borgaran.

Hvønn veg gongur menningin á deildini

Arbeitt verður miðvíst við at flyta KT-deildina frá at vera siðbundin KT-rakstrardeild til at verða ein deild, sum er ein virkin viðspælari í arbeiðinum at menna kommununa. Alsamt størri dentur verður lagdur á menning og minni á vanligan rakstur. Arbeitt verður eisini fyri at tryggja, at Tórshavnar kommuna er til reiðar at møta framtíðar avbjóðingum á KT-økinum.

Avbjóðingar
Menningin á KT-økinum gongur sera skjótt, og vantast kann, at menningin verður enn skjótari. Tískil er umráðandi, at deildin lagar seg til henda veruleika fyri bæði at kunna tæna borgarum og starvsfólki, men eisini at gagnnýta ta nýggju tøknina skilabest.

Lesandi í starvsvenjing
Lesandi kunnu koma í starvsvenjing at arbeiða við rakstri og menna skjótari loysnir, undir hesum:

- Enterprise Arkitecture
- Sharepoint
- Dátaviðgerð, umskifting (konvertering) og verkseting