Vespur

Eru vespubýli í húsinum ella á grundøkinum, kanst tú fáa sakkøna hjálp frá kommununi at taka tað burtur. Ring til Snarskivuna tlf. 30 20 10, sum gevur týningarskipanini boð.

Kravið er, at tú kanst ávísa eitt býli ella eitt stað, har vespurnar alla tíðina flúgva inn og út. Vesputýnarin átekur sær ikki at drepa einstakar flúgvandi vespur. Ein onnur treyt er, at eigarin av ognini ella umboð fyri hann er á staðnum, meðan týningin verður framd.

Vespurnar verða týndar við eiturpulvuri, ið verður sprænt inn í og uttan um býlið. Tað er ikki ráðiligt at taka vespubýli burtur uttan sakkøna hjálp. Vespurnar leypa beinanvegin á, um onkur roynir at órógva ella oyðileggja býlið. Vanligastu støðini hjá vespunum at gera sær býli eru t.d. undir takúthangi, undir væðingum, í hjøllum og í veggjum millum skins og hold.