Vina- og samstarvsbýir

Tórshavnar kommuna hevur tveir norðurlendskar vinabýir, og ein norðurlendskan og ein skotskan samstarvsbý. Umframt er Tórshavnar kommuna við í norðurlendska høvuðsstaðarsamstarvinum.

Vinabýir kommununnar eru Nuuk í Grønlandi og Reykjavík í Íslandi. Hetta vinabýarsamstarv fevnir í stóran mun um vinnulív og mentan. At menna hetta samstarv er settur á stovn Grunnurin Nuuk-Reykjavík-Tórshavn.

Tórshavn hevur tveir samstarvsbýir, sum eru Stavanger í Noreg og Aberdeen í Skotlandi. Eins og við vinabýunum fevnir samstarvið í stóran mun um vinnulív og mentan. Stovnaður er Grunnurin Aberdeen-Tórshavn, hvørs endamál er at fremja samstarv og fatan býanna millum.

Tórshavnar kommuna er eisini við í  norðurlendska høvuðsstaðarsamstarvinum, sum umfatar høvuðsstaðirnar Nuuk, Reykjavík, København, Oslo, Stockholm, Mariehamn og Helsinki. Regluliga verða ráðstevnur hildnar, har viðurskifti, sum býirnir hava til felags og samstarva um, verða viðgjørd.

Umframt hetta hevur Tórshavn eina vina- og samstarvsavtalu við Esbjerg í Danmark, sum umfatar starvsfólkaumbýti og samstarv á økjum sum mentan, ferðafólkavinnu, offshorevinnu o.ø.