Barnafrádráttur

Fyri hvørt barnið undir 18 ár, ið tú hevur foreldramyndugleika yvir, verður latin ein frádráttur í lands- og kommunuskattinum.

Barnafrádrátturin er kr. 8000 í 2017 í Tórshavnar kommunu. Hetta eru knappar 2000 krónur meira enn miðal barnafrádrátturin í føroyskum kommunum. Barnafrádrátturin í landsskattinum er kr. 6500 í 2017 fyri hvørt barnið oman fyri 7 ár. Barnafrádrátturin hjá landinum fyri børn 0-6 ár er 9.200 kr um árið.

Dømi 1: Hevur tú foreldramyndugleika yvir einum barni, sum er 10 ár, og býrt tú í Tórshavnar kommunu, er samlaði frádrátturin kr. 14.500 um árið.

Dømi 2: Hevur tú foreldramyndugleika yvir einum barni, sum er 4 ár, og býrt tú í Tórshavnar kommunu, er samlaði frádrátturin kr. 17.200 um árið.

Frádrátturin er ymiskur alt eftir, hvørjari kommunu tú býrt í. Tórshavnar kommuna hevur millum hægstu barnafrádráttir í landinum.

Foreldur, ið eru gift, kunnu velja, hvør teirra skal hava frádráttin. Eru foreldrini ikki gift, fær mamman barnafrádráttin.