26. apríl 2017
Annika skjýtur fyrsta skotið
Hósdagin 27. apríl kl. 13.30 verður fyrsta skotið fyri Eysturoyartunlinum latið av á Hvítanesi. Tað verður Annika Olsen, borgarstjóri í Tórshavnar kommunu, sum letur fyrsta skotið av.

Bussur koyrir av parkeringsøkinum við Hvonn í Tórsgøtu kl 13. Aftaná koyrir bussurin niðan til Dugna, har ein drekkamuður verður at fáa, og omanaftur í býin, tá tiltakið er liðugt.

Annika Olsen, borgarstjóri, og Henrik Old, landsstýrismaður í samferðslumálum, fara at bera fram røður við innkoyringina til Sandvíkarhjalla. Síðani skjýtur Annika Olsen fyrsta skotið.