Bókasøvn


Í Tórshavnar kommunu eru Býarbókasavnið, Kollafjarðar bygdar- og skúlabókasavn og 10 skúlabókasøvn í hesum skúlum:

Eysturskúlin, Hoyvíkar skúli, Kommunuskúlin, Nólsoyar skúli, Sankta Frans skúli, Skúlin á Argjahamri, Skúlin við Løgmannabreyt, Skúlin í Kaldbak, Velbastaðar skúli og Venjingarskúlin. Bókasøvnini í skúlunum eru ætlað næmingum og lærarum í frálæruhøpi.

Umframt hesi bókasøvn er Landsbókasavnið eisini í kommununi. Landsbókasavnið er tjóðbókasavn føroyinga og hevur sum høvuðsuppgávu at savna inn, skráseta, varðveita og fremja útbreiðslu av kunnleika um føroyskar bókmentir og so mikið sum gjørligt av bókmentum um Føroyar.