frítíðarskúlin við Botnánna


Fram við stovninum er ein á, ið kallast Botnáin, harav navnið: Frítíðarskúlin við Botnánna. Á stovninum eru børn í barnagarðsaldri 5 - 7 ár og frítíðarskúlabørn úr 1. - 2. flokki, afturat ber til hjá børnum í 3. flokki at brúka stovnin.

Mál og mið:

At menna børnini sum einstaklingar og samsvarandi teirra ferð.
Vit brúka okkara námsfrøðiligu vitan, og so brúka vit náttúruna, svimjihøllina og ítróttarhøllina sum amboð samsvarandi okkara vitan og royndir.

Gerandisdagurin:
Fyrrapartar eru vit ofta úti, frammi í dalinum, uppi í Odda, í fjøruni, í viðarlundini ella í haganum ella eitt hvørt, ið er fyriskipað kring okkum. Seinnapartar ber til hjá børnunum at svimja, spæla bólt í ítróttarhøllini, vera úti, vera í skapandi verkstaðnum ella okkurt annað, ið hugur barnanna stendur til.

Børnini fáa heilsugóðan millummála, ið tey eru við at gera. Børnini fáa eisini mat á middegi, og tí nýtast børnini ikki at hava matpakka við.

Vit fegnast um vøkru náttúruna í nærindis, har børnini eru skapandi í spæli, skapa ymisk/nýggj vinabond og mennast hvør í sær og við egnari ferð.

Vit arbeiða við Stig fyri stig, ið er eitt amboð at menna sosialar førleikar.

Námsætlan: Námsætlan 2013.pdf
Kunna teg nærri
Frítíðarskúlin við Botnánna
Botnavegur 3
410 Kollafjørður

Tel: 42 13 23
 
Fartel: 22 13 23
Stovnurin: 25 08 55

T-postur
frikoll@torshavn.fo
T-postur hjá starvsfólkum frikollstarv@torshavn.fo

Leiðari: Connie Lassen

Stovnurin er opin: 7.30 – 17.15