Kommunulæknar


10 kommunulæknar eru í Tórshavnar Kommunu. 9 teirra hava viðtaluhøli í Havn og ein í Kollafirði. Yvirlit yvir kommunulæknarnar í kommununi sæst HER.

Tá tú hevur fylt út tilflytingarskjal á Snarskivuni, fært tú sendandi bræv, har boðað verður frá, hvønn kommunulækna tú hevur fingið. Um tú skalt skifta kommunulækna, vinaliga set teg í samband við Heilsutrygd, tel. 61 40 00.

Hevur tú búð uttanlands eitt skifti, kanst tú ikki krevja at fáa sama kommunulæknan, sum tú hevði, áðrenn tú flutti av landinum. Kommunulæknin avger sjálvur, um hann hevur pláss.

Kommunurnar útvega viðtaluhølini og rinda raksturin. Landskassin og Heilsutrygd rinda kommunulæknanum løn og samsýning.

Tvey kommunulæknastørv aftrat eru normerað í Suðurstreymoy, men verða ikki sett, fyrr enn kommunan hevur viðtaluhøli klár. Ætlanir eru um at byggja nýggja kommunulæknamiðstøð við Karlamagnusarbreyt í Hoyvíkshaganum.
Læknavaktin
Læknavaktin virkar uttan fyri vanligu upplatingartíðirnar hjá kommunulæknunum.

Tað vil siga millum kl. 16:00 og 08:00 gerandisdagar, umframt alt samdøgrið halgidagar og um vikuskiftið.

Tel: 1870
Kommunulæknar í Føroyum
Sí hesa netsíðu: kml.fo