Nøkur góð ráð, til tykkum sum ætla at svimja á sjónum fyri fyrstu ferð 13. mai.

Eitt gott hugskot er at lata seg í svimjiklæðir heimanifrá, tað er nógv lættari. Tey sum svimja dagligt, eru í svimjidrakt/buksum, summi í baðihettu og svimjiskóm. Tað er ikki neyðugt at vera í hettu og skóm. men hettan verjir høvdið, um tú fert undir.  Haldklæði er sjálvandi neyðugt at hava við, ella eina baðikápu.

Tað er gott at fara í heit klæðir aftaná, t.d. ullinta troyggju og buksur, pulshosur og heitar skógvar. Tað ber eisini til at fara í eina termodrakt.

Umstøðurnar at skifta í eru ikki av teimum allar bestu –  skift verður í einum neysti við moldgólvi.  Tú kanst taka eina spann ella okkurt líknandi at leggja klæðini í, so er tú vís/ur í at klæðini eru turr og rein, tá tú skal í tey aftur.