Tíðindi frá Tórshavnar kommunu

Tíðindi frá Tórshavnar kommunuhttp://www.torshavn.fo/default.aspx?pageid=37http://www.torshavn.fo/default.aspx?pageid=37&newsitemid=3452Sertannlækni í ortodonti setturHalldis á Grønastøð er fyrsti sertannlækni í ortodonti, sum Tórshavnar kommuna setir í starv á Tannlæknastovuni. Kommunan hevur sambært lóg ábyrgd at veita børnum viðgerð av tannsjúkum og tannjavning.Tue, 15 May 2012 13:58:16 +01002012-05-15T13:58:16+01:00Halldis á Grønastøð er fyrsti sertannlækni í ortodonti, sum Tórshavnar kommuna setir í starv á Tannlæknastovuni. Kommunan hevur sambært lóg ábyrgd at veita børnum viðgerð av tannsjúkum og tannjavning. Nógvu seinastu árini hevur kommunan havt tænastusáttmála við Bergtóru Hanusardóttir um hesar uppgávur. Nú kemur kommunan sjálv at standa fyri hesum. Umleið ein triðingur av hvørjum árgangi hevur tørv á sertannlæknaviðgerð. Tá Skúlin við Løgmannabreyt varð bygdur, vórðu stór og góð høli sett av til tannlæknastovu, og ætlanin er nú at innrætta sertannlæknastovu við nýggjari og framkomnari útgerð. Halldis byrjaði í starvinum í dag. Á myndini síggjast Sigrid Arge, leiðari á Tannlæknastovuni, Halldis á Grønastøð, sertannlækni í ortodonti, Heðin Mortensen, borgarstjóri, og Jóan Petur Hentze, trivnaðarstjóri. http://www.torshavn.fo/default.aspx?pageid=37&newsitemid=3451Hvussu verður eldrapolitikkurin í framtíðini?Áhugaverdur almennur panelfundur um framtíðar eldrapolitikkin verður í Skúlanum við Løgmannabreyt mánadagin hin 14. mai 2012 kl.19, inngongdin er við Karlamagnussarbreyt.Sun, 13 May 2012 16:43:00 +01002012-05-13T16:43:00+01:00Áhugaverdur almennur panelfundur um framtíðar eldrapolitikkin verður í Skúlanum við Løgmannabreyt mánadagin hin 14. mai 2012 kl.19, inngongdin er við Karlamagnussarbreyt.<div> Í sambandi við at Landsstýrissamgongan hevur útnevnt árið 2012 til at vera ár teirra eldru, skipar Eldraráðið í Tórshavnar kommunu fyri einum panelfundi um eldrapolitikk í Føroyum mánadagin hin 14. maj. </div><div> Endamálið við fundinum er at fáa eina nærri lýsing av eldrapolitikkinum hjá sitandi samgongu, og at hoyra, hvat teir kommunalu politikkarnir og almannastovan halda um avleiðingarnar av teimum broýtingum, ið koma av at eldraøkið verður flutt út til kommunurnar 1. januar 2014.</div><div> Hóast fólkaatkvøðan um kommunusamanlegging er farin aftur um bak, tykist enn vera tørvur á einum orðaskifti um, hvør okkara støða sum pensionistar verður í framtíðini.</div><div> Løgtingið hevur javnan mál frammi, ið hava ávirkan á støðu teirra eldru, men enn er ikki tikið stig til at gera ein eldrapolitikk, hóast hetta stendur í samgonguskjalinum. Har stendur at ein arbeiðsbólkur, ið millum annað skal hava umboð millum tey eldru skal orða ein slíkan politikk.</div><div> Fundurin er almennur og ikki aldursavmarkaður, og vit vóna tí at øll, ung sum gomul, ið hava samfelagsligan áhuga, vilja nýta hetta høvi at hoyra, hvat myndugleukarnir hava at siga um hesi týdningarmiklu mál, og at geva teirra ískoyti til orðaskiftið.</div><div> í panelinum sita Annika Olsen landsstýriskvinna í Almannamálum, Kári P. Højgaard Landsstýrismaður í Innlendismálum, Heðin Mortensen, borgarstjórií Tórshavnar kommunu, Asbjørn Djurhus, Formaður í Føroya Kommunufelag og Petra Jónsdóttir Joensen, Almannastjóri. </div>http://www.torshavn.fo/default.aspx?pageid=37&newsitemid=3450Graslíki á TórsvøllArbeiðið at gera Tórsvøll til nútíðar altjóða leikvøll heldur fram. Tórshavnar kommuna og Fótbóltssamband Føroya hava avtalað leist fyri samstarvinum. Í fjør varð fyrsta stigið tikið, tá ljósmastrarnar vórðu settar upp. Hesar royndust serstakliga væl í sambandi við landsdystin móti Italia.Fri, 11 May 2012 15:13:02 +01002012-05-11T15:13:02+01:00Arbeiðið at gera Tórsvøll til nútíðar altjóða leikvøll heldur fram. Tórshavnar kommuna og Fótbóltssamband Føroya hava avtalað leist fyri samstarvinum. Í fjør varð fyrsta stigið tikið, tá ljósmastrarnar vórðu settar upp. Hesar royndust serstakliga væl í sambandi við landsdystin móti Italia. Tórshavnar kommuna og FSF taka nú næsta stigið, ið er at skifta grasvøllin út við graslíki, ið lýkur øll krøv til altjóða dystir. Eisini verður sprinklaraanlegg lagt í vøllin eins og leiðingar til hitaskipan. Arbeiðið varð boðið út í undirarbeiðstøku millum J&K Petersen og Articon. Articon hevði lægra tilboðið, sum býráðið tók av. Í hesum sambandi er sáttmáli í dag undirskrivaður við Articon, sum kemur at standa fyri anleggsarbeiðinum. Articon hevði eisini lægsta tilboð í fjør uppá grevstrar- og fundamentsarbeiði í sambandi við ljósmastrarnar, sum stóðu lidnar fyrst í september 2011. Sjálvt graslíkið er ikki við í arbeiðinum hjá Articon. Tað er altjóða fótbóltssamgongan FIFA, ið stendur fyri at bjóða graslíkið út millum veitarar, sum eru undangóðkendir av FIFA. Samlaði kostnaðurin fyri arbeiðið, sum nú skal gerast, íroknað nýtt graslíkið, er mett til umleið 8,4 mió kr. LBF hevur staðið fyri verkfrøðingaráðgevingini. Alt flagið og tilfarið undir flagnum verður endurnýtt. Størsti parturin verður fluttur til golfbreytina á Glyvursnesi. Hetta fer at bøta munandi um umstøðurnar hjá Tórshavnar Golfklubba. Aðrir partar av flagnum verða brúktir at fríðka býin við. Sambært heildarætlanini sum eitt spanskt arkitektafelag í fjør gjørdi fyri Tórshavnar kommunu og FSF, verður mælt til at næsta stig, eftir at graslíkið er lagt á, verður at gera yvirdekking yvir vestaru síðu, og so víðari runt, og í hesum sambandi at byggja nýggjan bygning við suðurendan. Arbeiðið byrjar mánadagin 14. mai 2012 og væntast liðugt undan ólavsøku. Fyrsti stórdystur verður finalan um Løgmanssteypið 25. august. Í oktober verða landsdystir móti bæði Svøríki og Írlandi. <img alt="" src="/SiteFiles/Public/1/Temp/121_dd95f16d-3c4a-427b-9beb-f042f5423be5.jpg" /> <div><div></div><div>Frá sáttmálaundirskrivingini í dag</div><div> </div><div><img alt="" src="/SiteFiles/Public/1/Temp/121_0bf5d24c-75de-4542-b195-08423559f526.jpg" /> </div></div><div>Bogi Andreassen, virkandi borgarstjóri, skrivar undir sáttmálan.</div><div> </div>http://www.torshavn.fo/default.aspx?pageid=37&newsitemid=3449Ynskja økt samstarv í útnorðiStýrið fyri felagsgrunnin Nuuk-Reykjavik-Tórshavn helt sín árliga fund tann 10. mai 2012 á ráðhúsinum í Reykjavík undir leiðslu av borgarstjórunum Jón Gnarr úr Reykjavík, Heðini Mortensen úr Tórshavn, og Asii Chemnitz Narup úr Nuuk.Fri, 11 May 2012 12:03:06 +01002012-05-11T12:03:06+01:00Stýrið fyri felagsgrunnin Nuuk-Reykjavik-Tórshavn helt sín árliga fund tann 10. mai 2012 á ráðhúsinum í Reykjavík undir leiðslu av borgarstjórunum Jón Gnarr úr Reykjavík, Heðini Mortensen úr Tórshavn, og Asii Chemnitz Narup úr Nuuk. Endamál grunnsins er at styrkja mentanarliga samstarvið, millum annað við at játta stuðul til mentan, undirvísing og ítrótt. Á hesum fundinum varð samtykt at víðka endamálsorðingina, soleiðis at endamálið eisini umfatar at økja tilvitanina hjá og samstarvið millum bæði politikkarar og borgarar, millum annað við at hava evnisumrøður um aktuell viðurskifti í høvuðsstøðunum í útnorði. Stýrið fekk hesaferð 44 umsóknir, millum annað um mentanarligar samvinnuætlanir, og avgjørt varð hesaferð at játta tilsamans 325.000 krónur Eitt uppskot um, at felagsgrunnurin skal fáa nýtt navn, varð eisini samtykt. Grunnurin skal nú eita ”Vestnordisk hovedstadsfond Nuuk, Reykjavik, Tórshavn”, men treytin fyri, at navnabroytingin er gyldug er, at tey trý býarstýrini góðkenna broytingina. Tað hava verið nakrar sera áhugaverdar framløgur á fundinum í dag, millum annað ein framløga um nýggja íslendska vinnupolitikkin í kjalarvørrinum av kreppuni, lagt fram av býráðsliminum Dagur B. Eggertsson. Eisini greiddu embætisfólk frá nýggjum talgildum forum fyri fólkaræði, ”Betri Reykjavík”, eitt upplegg um, hvussu tað ber til at gera borgararnar nógv meira virknar í fólkaræðinum, ein framløga, sum í stóran mun hugtók grønlendsku og føroysku umboðini. Í stýrinum fyri grunnin sita fyri Tórshavn Heðin Mortensen, borgarstjóri, Marin Katrina Frýdal og Sjúrður Olsen, býráðslimir, fyri Reykjavík Jón Gnarr, borgarstjóri, Dagur B. Eggertson, býráðsformaður, og Hanna Birna Kristjansdóttir, býráðslimur, og fyri Nuuk Asii Chemnitz Narup, borgarstjóri, Per Nukaaraq Hansen og Martha Abelsen, býráðslimir. http://www.torshavn.fo/default.aspx?pageid=37&newsitemid=3448Møguligt rættarmál um sølutorgið í VágsbotniSølutorgið í Vágsbotni er eitt øki við ymsum fasilitetum, sum kommunan hevur útvegað hesum parti av vinnuni. Torgið er útgjørt samsvarandi krøvum frá Heilsufrøðiligu Starvsstovuni. Sølutorgið í Vágsbotni hevur í mong ár verið nýtt til sølu av nýveiddum fiski, fugli o.ø.Fri, 11 May 2012 12:00:44 +01002012-05-11T12:00:44+01:00Sølutorgið í Vágsbotni er eitt øki við ymsum fasilitetum, sum kommunan hevur útvegað hesum parti av vinnuni. Torgið er útgjørt samsvarandi krøvum frá Heilsufrøðiligu Starvsstovuni. Sølutorgið í Vágsbotni hevur í mong ár verið nýtt til sølu av nýveiddum fiski, fugli o.ø. Fyrr vóru einans tvey blikkkør, um útróðrarmen og onnur kundu brúka, tá tey seldu teirra vøru. Eftir áheitan frá Heilsufrøðiligu Starvsstovuni fór kommunan í 2003 undir eina skipaða tilgongd at betra um karmarnar, soleiðis at torgið kundi lúka reinføriskrøv og onnur krøv sambært matvørulógini. Heilsufrøðiliga Starvsstovan setti m.a. krøv til at tak skuldi útyvir, og at skipaði reingerðarviðurskifti og vesifasilitetir skuldi vera til sølufólkið. Alt arbeiði við torginum bleiv gjørt í samráð við Heilsufrøðiligu Starvsstovuna. Tá torgið stóð liðugt, søkti kommunan Heilsufrøðiligu Starvsstovuna um endaliga góðkenning av staðnum. Í tí viðgerðini kom fram, at torgið eisini skuldi hava hondvask. Eitt hondvask varð sett upp, sum stendur har enn. Kommunan fekk eisini góðkenning til, at sølutorgið kundi nýtast at selja nýveiddan fisk, grind og spik, egg, fugl, óskorið grønmeti og epli, og góðkenning var eisini til sølu av lidnum fiskavørum frá skrásettum og løggildum virkjum. Síðan nýggja torgið bleiv tikið í nýtslu hevur Heilsufrøðiliga Starvsstovan fleiri ferð gjørt kommununa varuga við, at seljarar á torginum ikki hava hildið matvørukrøvini. Kommunan er eitt nú biðin um at hava betri eftirlit á torginum í Vágsbotni, so bert vørur, sum eru loyvdar sambært góðkenningini, verða seldar. Eisini krevur HS, at kommunan skal hava eftirlit við, at vørurnar verða goymdar við røttum hita og at innpakkaðar vørur frá løggildum virkjum skulu vera merktar. Sum fráleið gjørdist kommununi greitt, at Heilsufrøðiliga Starvsstovan hevur misskilt eitthvørt í sambandi við sølutorgið. Kommunan bað tí um fund við landsstýrismannin í vinnumálum, Jóhan Dahl, og greiddi honum frá støðuni. Hetta var um sama mundið, sum viðurskiftini í Roykstovuni í Kirkjubø vórðu nógv umrødd í fjølmiðlunum. Jóhan Dahl lovaði tá at hyggja at málinum, men kommunan hevur enn onki frætt aftur frá landsstýrinum. Løgdeildin hjá kommununi hevur síðan kannað málið nærri, og er komin til ta niðurstøðu, at tað als ikki er rætt atborið, tá Heilsufrøðiliga Starvsstovan viðgerð sølutorgið eftir kunngerð nr. 122 frá 24. august 2001 við seinni broytingum, um viðgerð, keyp og sølu v.m. av fiski og fiskavørum á landi. Tí støðan er tann, at tað ikki er kommunan, ið selir nakað á torginum. Kommunan er løgfrøðiliga hvørki eitt virki ella eitt sølulið. Kommunan hevur bert útvegað hesi vinnuni eitt øki við teirri útgerð, ið krevst, har tey kunnu standa og selja. Tí er púra burturvið at bólka kommununa sum sølulið ella virki. Kommunan skal jú eisini fyrihalda seg til §50 í Kommunustýrislógini, har ásett er, at ”ein kommuna kann einans taka lut í vinnuligum virksemi, um so er, at virksemið tænir einum almannagagnligum endamáli og ikki hevur vinning fyri eyga”. Tað gevur heldur onga meining, at kommunan verður skrásett av Heilsufrøðiligu Starvsstovuni sum tann, ið rekur sølutorgið, og at kommunan tí mótvegis Heilsufrøðiligu Starvsstovuni skal síggja til og prógva, at ymsu seljararnir hava síni egnu heilsufrøðiligu góðkenningar og viðurskifti annars í lagi. Hevði tað veruliga verið so, so skuldi kommunan eisini havt ábyrgd av, at ein komandi fiskavøruframleiðari, sum leigar Bacalao frá kommununi, eisini heldur krøvini í matvørulógini. Hetta hongur ikki saman, tí tað er altíð framleiðarin, sum hevur ábyrgd av sínum virksemi, uttan mun til um hann rekur sítt virki í egnum, leigaðum ella læntum hølum ella fasilitetum. Ongin ivi skal tó vera um, at tað hevur stóran áhuga fyri kommununa, at søla fer fram á Sølutorginum í Vágsbotni, og at tey sum nýta tað, halda økið reint og ruddiligt. Eisini hevur kommunan boðað Heilsufrøðiligu Starvsstovuni frá, at kommunan fegin vil stuðla Heilsufrøðiligu Starvsstovuni við at lata seljarunum viðkomandi og neyðugt kunningartilfar. Men onki rínir við Heilsufrøðiligu Starvsstovuna í hesum málinum, sum nú hevur koyrt í fleiri ár. Um avvarðandi landsstýrismaður tí ikki nú fær hetta málið loyst, so hevur kommunan ikki annað val, enn at kæra hóttanina hjá Heilsufrøðiligu Starvsstovuni um at stongja sølutorgið, ella at royna málið í rættinum. Vinaliga Heðin Mortensen borgarstjórihttp://www.torshavn.fo/default.aspx?pageid=37&newsitemid=3444Vitjaðu heimið hjá Halldóri LaxnessFøroyska ferðalagið vitjaði í gjár Gljúfrasteinn, húsini, har Halldór Laxness og familjan búðu í meira enn fimti ár. Hetta var eisini arbeiðsplássið hjá nobelvinnaranum. Húsini standa óbroytt við upprunaliga innbúgvinum.Fri, 11 May 2012 09:17:42 +01002012-05-11T09:17:42+01:00Føroyska ferðalagið vitjaði í gjár Gljúfrasteinn, húsini, har Halldór Laxness og familjan búðu í meira enn fimti ár. Hetta var eisini arbeiðsplássið hjá nobelvinnaranum. Húsini standa óbroytt við upprunaliga innbúgvinum. Í móttøkuni vísa tey eina multimediaframsýning um Laxness, um hansara lív og hansara verk. Húsini eru nú eisini opin fyri almenninginum. Halldór Laxness er høgt hevjaður yvir allar aðrar íslendskar rithøvundar í 20. øld og skrivaði eina ómetaliga rúgvu, millum annað 13 stórar romanir, fimm sjónleikir og eina rúgvu av novellum, stuttsøgum og minnisritum. Bøkurnar eru týddar til 43 mál. Hetta var ein sera hugtakandi vitjan, sigur føroyska ferðalagið. http://www.torshavn.fo/default.aspx?pageid=37&newsitemid=3437Stórur mentanarfundur í HavnTórshavnar býráð fær stóra vitjan úr øllum norðurlendsku høvuðsstøðunum seinni í mánaðinum. Mentamálanevndirnar í høvuðsstøðunum hittast til fundar í Havn 22. til 25. mei.Thu, 10 May 2012 13:26:41 +01002012-05-10T13:26:41+01:00Tórshavnar býráð fær stóra vitjan úr øllum norðurlendsku høvuðsstøðunum seinni í mánaðinum. Mentamálanevndirnar í høvuðsstøðunum hittast til fundar í Havn 22. til 25. mei. Eini 40 fólk koma úr Reykjavík, Keypmannahavn, Oslo, Stockhólmi, Mariehamn og Helsingfors at luttaka á fundinum, sum verður hildin í Norðurlandahúsinum. Teirra millum verða Pia Allerslev, mentanarborgarstjóri í Keypmannahavn, og Einar Ørn Benediktsson, formaður í mentamálanevndini í Reykjavík. Tórshavnar kommuna er partur av hesum samarbeiðnum, og hetta er fyrstu ferð, fundurin verður hildin í Føroyum, sigur Jógvan Arge, formaður í mentamálanevndini í Havn. Fleiri evni av felags áhuga verða viðgjørd á fundinum, og teir ymsu høvuðsstaðirnir fara at siga frá sínum politikki og átøkum á ymsum mentanarøkjum. Framsøgumaður hjá Tórshavnar kommunu verður Jógvan Arge. Á ráðstevnuni fer Birgir Kruse at leggja upp til tjak við frágreiðing um stovnan av nýggjum skapandi ungdóms- og listaumhvørvum í Havn sum filmsverkstaðnum Klipfisk og tónleikaátakinum Loftinum á Margarinfabrikkini. Arkitekturin Ósbjørn Jacobsen, sum í fleiri ár arbeiddi við mentanarhúsinum Hørpuni í Reykjavík, fer at røða um mentan og býarmenning. Onnur temu eru norðurlendski mentanarfestivalurin, sum verður hildin, tá Norðurlanda Ráðið hevur ársfund, og hagtalssamarbeiði millum norðurlendsku høvuðsstaðirnar á mentanarøkinum.. Fyrsta kvøldið verður vitjað úti á Reyni og ein seinnapart verður farið út til Nólsoyar at við “Westward Ho”. Har fer kokkurin Leif Sørensen at borðreiða við føroyskum rávørum fyri norðurlendsku gestunum. Vitjað verður eisini á nýggjasta skúlanum í Tórshavnar kommunu, Skúlanum á Argjahamri. Ætlanin var, at fundurin skuldi vera í meimánaða í fjør, men tá varð hannavlýstur orsakað av øskuroki úr Íslandi. http://www.torshavn.fo/default.aspx?pageid=37&newsitemid=3436Jón Gnarr vitjar Havnina á ólavsøkuBorgarstjórin í Reykjavík kemur sum gestur hjá Tórshavnar Býráð at halda ólavsøku í Havnini. Heðin Mortensen, borgarstjóri, er í løtuni á vitjan í Reykjavík. Hetta er triðju ferð, at borgarstjórarnir Jón Gnarr og Heðin Mortensen hittast.Thu, 10 May 2012 10:27:34 +01002012-05-10T10:32:31+01:00Borgarstjórin í Reykjavík kemur sum gestur hjá Tórshavnar Býráð at halda ólavsøku í Havnini. Heðin Mortensen, borgarstjóri, er í løtuni á vitjan í Reykjavík. Hetta er triðju ferð, at borgarstjórarnir Jón Gnarr og Heðin Mortensen hittast. Eftir at teir hittust seinast beyð Heðin Mortensen Jóni Gnarr at vitja í Havnini, og Jón hevur tikið av og kemur at vitja við fylgi á ólavsøku. Jón Gnarr hevur ikki áður verið í Føroyum. Hann kemur til Føroya tann 25. juli, steðgar til tann 30 juli og ætlar sær at uppliva ríku mentanartilboðini í sambandi við ólavsøkuna. Við honum eru konan Jóhanna Jóhannsdóttir og embætisfólkini Sigurður Bjørn Bløndal og Katrin Guðmundsdóttir, sum øll fara at búgva á Hotel Hafnia, mitt í ólavsøkuni. Heðin Mortensen, borgarstjóri, sum verður vertur undir vitjanini, fegnast um, at valið fall á ólavsøkuna, nú Jón Gnarr vitjar á fyrsta sinni. Eisini fegnast hann um, at samstarvið við Reykjavík er vorðið avbera gott og at fleiri felags átøk verða framd, samstundis sum samstarvið verður økt í framtíðini á fleiri økjum. Vitjanin hjá Jóni Gnarr er enn eitt høvi at styrkja hetta samstarv, sigur Heðin Mortensen, borgarstjóri. http://www.torshavn.fo/default.aspx?pageid=37&newsitemid=3434Velbastaður fingið elverk til vatnreinsiverkiðÍ royndini at gera vatnveitingina í Tórshavnar kommunu enn betur og tryggari, hevur aftur eitt vatnreinsiverk fingið egið el-verk. Hesaferð er tað verkið á Velbastað. Hini vatnverkini, sum hava elverk, eru Villingadalur, Havnardalur og Kollafjørður.Thu, 10 May 2012 08:43:43 +01002012-05-10T08:44:49+01:00Í royndini at gera vatnveitingina í Tórshavnar kommunu enn betur og tryggari, hevur aftur eitt vatnreinsiverk fingið egið el-verk. Hesaferð er tað verkið á Velbastað. Hini vatnverkini, sum hava elverk, eru Villingadalur, Havnardalur og Kollafjørður. Er ólag á veitingini hjá SEV, so starta hesi elverk og veita streym. Næsta vatnverk, ið fær elverk, verður tað í Kaldbak.<div> </div><div><img alt="" src="/SiteFiles/Public/1/Temp/121_269a8dbc-4bee-490d-a542-ea5b779c475f.jpg" /> </div>http://www.torshavn.fo/default.aspx?pageid=37&newsitemid=3433Kommunan meldar dálking av SandáTórshavnar kommuna meldar nú dálking Sandá við tøðum, eftir at heilsu- og umhvørvisdeildin hjá kommuni í gjár og fyrradagin hevur gjørt kanningar á staðnum, og staðfest er, hvaðan dálkingin kemur. Tórshavnar kommuna hevur tann 7. mai 2012 fingið fráboðan um, at Sandá varð dálkað við tøðum.Wed, 09 May 2012 15:23:56 +01002012-05-09T15:23:56+01:00Tórshavnar kommuna meldar nú dálking Sandá við tøðum, eftir at heilsu- og umhvørvisdeildin hjá kommuni í gjár og fyrradagin hevur gjørt kanningar á staðnum, og staðfest er, hvaðan dálkingin kemur. Tórshavnar kommuna hevur tann 7. mai 2012 fingið fráboðan um, at Sandá varð dálkað við tøðum. Tórshavnar kommuna var á staðnum tann 7. og 8. mai 2012. Staðfest varð, at taðað var fram við vegnum frá bóndagarðinum við Sandá og omaneftir ímóti brúnni yvir ánna. Í sambandi við taðingina eru tøð farin í eina veit og endað í Sandá, har tey hava elvt til at skúm savnast í ósanum í Sandagerði. Kommunan er av teirri fatan, dálkingin er brot á umhvørvislóggávuna, t.e. §15 í Løgtingslóg nr. 134 frá 29. oktober 1988 um umhvørvisvernd og §25 stk. 3 í kunngerð nr. 53 um umhvørvisreglur frá 3. mai 1994, sí niðanfyristandi: § 15. Einki, ið kann dálka vatnið, má verða leitt í áir, løkir, vøtn, strond ella føroyskt sjóøki ella goymast so nær hesum, at vandi kann verða fyri, at tað kann skolast út í hesi. § 25. Stk. 3. Tøð frá køstum og mykjubrunnum skal nýtast til taðing soleiðis, at hetta ikki elvir til dálking av áum ella er til ampa fyri fólk, ið búgva nærindis. Tórshavnar kommuna harmast um henda afturvendandi trupulleika, og at landsmyndugleikarnir ikki enn hava lýst taðingarkunngerðina, sum var til hoyringar fyri langari tíð síðan. Tórshavnar kommuna metir eisini, at tíðin er komin at landsstýrið endurskoðar umhvørvislóggávuna, og umhugsar, at størri fjós og virksemi í hesum sambandi koma undir reglurnar, ið krevja umhvørvisgóðkenning á jøvnum føti við eitt nú alibrúk og líknandi. Neyðugt er at lóggávan verður lagað til tann veruleika, at fleiri fjós í dag eru sera stór, samanborið við frammanundan, og eru at meta sum stór framleiðsluvirki.