Tíðindi

Eingin ruskinnsavning er, meðan verkfall er.

Vegna verkfall koyrir bussleiðin ikki týsdagin 14. mai.

Fríggjadagin 17.mai klokkan frá 14 til 15 verður nýggi vinnupolitikkurin hjá Tórshavnar kommunu lagdur alment fram á Reinsarínum í Tórsgøtu.

Tórshavnar kommuna hevur orðað nýggjan vinnupolitikki fyri árini 2024 til 2028.

Fríggjadagin verður høvið hjá áhugaðum at hoyra meira um nýggja vinnupolitikkin. Tiltakið er alment.

Borgarstjórin avdúkaði nýtt ferðasteyp hjá KFUM-skótunum úti í Risastovunum í Glyvurshaganum.

Í dag var samkoma í Kerit, nunnukleystrinum, har Franciskanarasystrarnar bjóðaðu til móttøku í sambandi við, at tær gevast við øllum sínum virksemi í Føroyum og fara av landinum med alla. Her fekk borgarstjórin høvið at siga nunnunum farvæl.

Mánadagin 13. mai 2024 byrja vit at arbeiða á Hoyvíksvegnum. Í hesum sambandi verður eingin gjøgnumkoyring eftir Hoyvíksvegnum úr A.C. Evensensgøtu og niðan til Gripsvegin millum kl. 9-12 og 13-15 mánadagar, týsdagar og hósdagar fram til 11. juni 2024. Í hesum tíðarskeiðunum verður viðmælt teimum, sum búgva á A.C. Evensensgøtu, Sólteigi og á Lutzenstrøð at seta bilin aðrastaðni í nærumhvørvinum.

Arbeiðið við Eysturskúlan, ið skuldi vera liðugt í dag klokkan 17, dregur út, og tí er vegamótið Skúlagøta/Tórgarðsgøta stongt fram til í morgin, leygardagin 11. mai, klokkan 17. Leið 2 er umløgd, meðan arbeiðið fer fram. Leiðin koyrir ikki eftir J. Broncksgøtu, Yviri við Strond og Tórgarðsgøtu, men eftir Stoffalág, Gripsvegnum, R. C. Effersøes gøtu og víðari eftir ferðaætlanini.

Í dag hevur verið hátíðarhald fyri viðarlundunum í Tórshavnar kommunu. Kristi himmalsferðardag halda fýra viðarlundir ársdag.

Vegamótið Skúlagøta/Tórgarðsgøta er stongt frá Kr. himmalsferðardegi 9. mai 2024 klokkan 8 til leygardagin 11. mai klokkan 17. Vegamótið er stongt í sambandi við vegarbeiði við Eysturskúlan. Í hesum tíðarskeiðnum ber til at koyra frá Djóna í Geil gøtu til ovara part av Tórgeirsgøtu.

Bussleiðin verður umløgd í hesum tíðarskeiðnum. Leið 2 koyrir sostatt ikki eftir J. Broncksgøtu, Yviri við Strond og Tórgarðsgøtu, men eftir Stoffalág, Gripsvegnum, R. C. Effersøes gøtu og víðari eftir ferðaætlanini.

Vit skrúva fyri vatninum í stórum parti av eysturbýnum fríggjadagin 10. mai frá klokkan 10 til 13 í samband við arbeiðið at endurnýggja vatnleiðingar á Mýrisnípuvegnum. Roknast kann við órógvi á vatnveitingini í eysturbýnum í eina tíð aftaná arbeiðið er liðugt.