Tíðindi

Fleiri vegir eru stongdir í miðbýnum 3. og 4. mai í sambandi við tiltøkini »Ein dagur á Grynnuni« og »Plantið eitt træ«.

Eystara vegbreyt í R. C. Effersøesgøtu verður stongd frá Húsagøtu niðan til Gundadalsvegin frá hóskvøldinum 2. mai klokkan 22 til fríggjamorgunin 3. mai klokkan 6. Vegbreytin verður stongd í sambandi við asfaltering. Meðan arbeiðið fer fram, koyra leið 1, 2, 3 og 5 eftir Gripsvegnum, Hoyvíksvegnum, Tjaldursvegnum og víðari eftir ferðaætlanini.

Søren Andersen, generalmajor og stjóri fyri Arktisk Kommando, var í gjár á vitjan hjá Heðini Mortensen, borgarstjóra.

Ørindini vóru at heilsa uppá borgarstjóran og at kunna um virksemið hjá Arktisk Kommando í Føroyum, í Grønlandi og saman við NATO í Norðuratlantshavi.

Endurnýtslurnar í Tórshavnar kommunu eru stongdar mikudagin 1. mai.

Í sambandi við 1. maidagshald í Vágsbotni verða fleiri vegir stongdir mikudagin 1. mai frá klokkan 15.30 til klokkan 18.

Stórsligna altjóða tøkniráðstevnan TONIK verður í SILO fríggjadagin 3. mai.

Endamálið við ráðstevnuni er at veita føroysku tøknivinnuni og íverksetum ein kveikjandi og savnandi pall. Harafturat er hetta eitt upplagt høvi at knýta sambond og vitanardeila við fólki úr øllum heiminum..

Felags foreldraráðið, ið varð sett á stovn tann 24. januar 2024, fer nú framhaldandi at gera vart við, hvussu umráðandi tað er, at vit hava góðar fysiskar karmar á stovnunum í kommununi. Ráðið gleðir seg at fara í eitt støðugt og gott samstarv við Tórshavnar Býráð og hevur sett sær fyri at tryggja, at atlit verða tikin, tá ið stovnar verða bygdir og umvældir.

Tórshavnar býráð hevur í kvøld samtykt at seta knappar 3,5 milliónir krónur av til at umvæla kloakkir ymsastaðni í kommununi.

Talan er um at hosufóðra kloakkirnar

Tórshavnar býráð hevur í kvøld samtykt at seta hálva millión krónur av til at gera bíðirúm til ferðafólk í Hesti.

Ítróttarhandilin Intersport, sum vit eisini kenna, sum Thomas Dam Ítróttur, flutti í dag í nýggj og stásilig høli uppi á Smyrilsvegi í Havn.

Nógv fólk var samankomið í snøggu hølunum, har tað er opið millum ítróttarhandilin og handilin hjá Nema.

Heðin Mortensen, borgarstjóri, vísti í røðu sínari á, at fyritøkan mennir seg saman við ítróttinum.