Freistin at søkja um umhvørvisstuðul er 31. mars. Evnið í ár er vatn, og 250.000 krónur eru tøkar at søkja.
Les meira og søk her:
Nú er klárt at taka ímóti umsóknum til størri listaligar verkætlanir fyri 2024, og í ár eru 1.000.000 kr. tøkar at søkja. Umsóknarfreistin er mánadagin 8. apríl 2024. Les meira á síðu okkara um mentanarstuðul.
Í sambandi við kæruviðgerð um leigan av lendi við Gellingarklett til uppsetan av vindmyllum, kallar Yvirlandbúnaðarstevnan til fundar 4. apríl 2024 kl. 9.15. Stevnan verður hildin í hølum hjá Sorinskrivaranum í Havn. Les meira her:
Nú ber til at tekna seg til lutakast um grundstykkir í Hamrabøi í Kollafirði, ið eru latin inn aftur til Tórshavnar kommunu. Talan er um trý grundstykki í útstykking frá 2017. Freistin at tekna seg til lutakastið er 4. apríl 2024.
Nú ber aftur til at ynskja pláss í Lonunum í Hoydølum. Heitt verður á øll foreldur um skjótast gjørligt at skriva barn teirra á bíðilista til upp til fýra dagstovnar og at raðfesta stovnarnar eftir ynski. Foreldur kunnu avgreiða innskrivingina her:
Í sambandi við at vegur verður gjørdur til munnan á Húsareynstunlinum, er neyðugt at grava ríðibreytina av. Arbeiðið byrjar 27. februar 2024. Tá ið arbeiðið er liðugt, verður ríðibreytin afturgjørd. Afturgerðin er væntandi liðug 20. juli 2024.
Nú ber til at søkja stuðul úr Felagsgrunninum Nuuk, Reykjavík, Tórshavn. Samlaða stuðulsupphæddin í ár er 900.000 krónur. Umsøkjarar, ið fáa stuðul úr grunninum, skulu birta undir samstarvið millum býirnar. Umsóknarfreistin er 1.apríl 2024. Les meira á síðu okkara um mentanarstuðul.
Tórshavnar býráð hevur nú samtykt, at kommunan skal fara undir samráðingar við arbeiðstakara um útstykkingina við Ervaveg á Velbastað. Tá ið samráðingarnar eru komnar uppá pláss, verður verkætlanin lýst nærri við tekningum, tíðarætlan og mettum kostnaði fyri grundstykkini. Síðan verður latið upp fyri tilmelding til lutakastið um grundstykkini í 4 vikur afturat.
Skipar tú fyri ella hevur tú áhuga fyri ítróttakappingum, sjónleiki, tónleiki, framsýningum, eldrafimleiki, skating, upplestri, borðspølum ella øðrum spennandi virksemi, ja so er tað Tímanum, tú skalt halda eyga við. Tímin er nýggi kalendarin, ið vísir tær, hvørji tiltøk og ítriv eru á skrá í Tórshavnar kommunu.
Á býráðsfundi 23. november 2023 samtykti Tórshavnar býráð at lýsa broytingar í gjøldum fyri búpláss, heimahjálp og umlætting sambært uppskotinum til felags leist hjá Kommunufelagnum. Les meira um dagføringina av gjøldunum fyri eldratænasturnar her:
Kommunan dagførir gjøldini fyri eldratænastur 1. januar 2024
Tórshavnar havn er vorðin partur av netverkinum EPI – Enviromental Port Index. Hetta er eitt týðandi stig á burðardyggari kós hjá Tórshavnar havn og Tórshavnar kommunu. Serstakliga, tá tað ræður um cruiseferðavinnuna.
Hvørt ár velur Umhvørvisdeildin í Tórshavnar kommunu eitt ella fleiri umhvørvisevni í sambandi við umhvørvisvikuna og umhvørvisstuðulin. Umhvørvisevnið í 2024 er vatn. Freistin at søkja um umhvørvisstuðul er 31. mars 2024.
Seinnapartin lat framsýningin hjá Tórshavnar Kvøldskúla upp í Múllers Pakkhúsi.
Nógv av tí, sum næmingar á Kvøldskúlanum hava framleitt í vetur, er á framsýningini.
Í røðu sínari vísti Heðin Mortensen, borgarstjóri í Tórshavnar kommunu á, at Kvøldskúlin hevur stóran týdning, og gevur øllum ein møguleika, - á sjógvi og landi.
Í dag varð móttøka í samband við, at Richard B. Thomsen letur upp eina deild í Havn.
Handilin, sum m.a. selur køkar og baðirúmsmøblar, er í Dr. Jacobsensgøtu.
Richard B. Thomsen, ið hevur høvuðssæti á Tvøroyri, er ein av elstu fyritøkunum í Føroyum.
Á móttøkuni í dag helt Heðin Mortensen, borgarstjóri í Tórshavnar kommunu røðu.
Her er brot úr røðuni hjá borgarstjóranum:
Flokkurin 23y av Glasi var seinnapartin og vitjaði Tórshavnar kommunu, har tey sóu býráðssalin.
Heðin Mortensen, borgarstjóri, greiddi næmingunum frá um býráðssalin og ráðhúsið.
Jóan Petur Hentze, kommunustjóri, og Osbjørg Hansen, familjuráðgevi, greiddu frá um kommununa og arbeiðinum hjá umsitingini. Næmingarnir vóru áhugaðir og høvdu fleiri spurningar um arbeiðið hjá umsitingini.
Móttøka var í dag í móttøkuhúsinum hjá Tórshavnar kommunu fyri hondbóltslandsliðinum hjá monnum. Heðin Mortensen, borgarstjóri, helt røðu, og greiddi millum annað frá um høllina við Tjarnir, sum verður innilokað á Ólavssøku. Borgarstjórin vísti á, at hetta fer at bøta um umstøðurnar hjá føroyskum ítrótti. Landsliðsspælararnir vóru sera spentir um hetta.
Nú byrjar arbeiðið at gera nýggju býarlundina í miðbýnum. Býarlundin er fyrsta stig í ætlanini um at gera eina grøna gongugøtu og býarlund. Býarlundin verður eftir ætlan liðug og tikin í nýtslu á sumri 2024.
Tórshavnar býráð samtykti á fundi 29. februar 2024 uppskot um at broyta byggisamtyktina fyri matr. nr. 1156 og part av matr. nr. 1157 og 1160a, Tórshavn, frá D1 og 4. grundumráði til D2, treytað av loyvum frá friðingarmyndugleikum.