Westward Ho TN 54
Westward Ho var bygd í Grimsby í 1884. Til ber at síggja, nær sluppin er tøk at leiga her á síðuni. Tórshavnar kommuna tók yvir. Westward Ho í 2012 sambært avtalu við "Grunnurin Sluppin", sum frá 1967 til 2012 hevði verið eigari av sluppini ”Westward Ho” XPXS, av at umskipa ognarviðurskiftini og raksturin, soleiðis at sluppin varð avhendað til Tórshavnar Kommunu. Í dag eigur Tórshavnar Kommuna sluppina.
Í 2013 varð Westward Ho av Tjóðsavni Føroya skrásett sum mentanarliga varðveitingarvert skip.
Endamálið hjá Tórshavnar Kommunu við at eiga „Westward Ho“ er at halda sluppina við líka, og at umvæla og varðveita hana soleiðis, at nútíðin og eftirtíðin fáa høvi at gera seg kunnug við, hvussu hetta skipaslagið var, og undir hvørjum korum føroyskir fiskimenn virkaðu tá.
Sluppin verður brúkt til ymisk almannagagnlig endamál, eitt nú umboðan innan- og uttanlands, serligar merkisdagar, ávísar leigutúrar og fiskikappingar. Áhugabólkur – sluppvinir – er skipaður, og er talan serliga um menn, sum ynskja at taka hond um sluppina í dagliga rakstrinum og gera tær ábøtur, sum neyðugar eru. Arbeiðið, sum sluppvinir gera, er ókeypis. |