Námsfrøðingur og hjálparfólk til Dagstovnin Lítlaskóg
Tórshavnar kommuna sóknast vegna Dagstovnin Lítlaskóg eftir starvsfólki. Vit sóknast eftir einum námsfrøðingi og einum hjálparfólki til vøggustovu at byrja skjótast gjørligt.

Talan er um størv á 30-35 tímar.

Lýsing av stovninum:

Lítliskógur er ein stovnur við um 100 børnum mitt í Havn. Vit hava tvær vøggustovur við 12 børnum í hvørjari. Vit hava tríggjar barnagarðsstovur við 18 børnum og so eina stovu til tey 6 ára gomlu, har tað rúmast 18-20 børn.

Í Lítlaskógi starvast um 25 fakliga dugnalig og íðin starvsfólk. Vit eru staðsett í eysturbýnum, tætt við skóg, fjøru og allar hentleikar.

Vit leggja dent á:
• At møta barninum, har tað er í menningini
• Fría spælið, har børnini fáa brúkt og ment hugflogið
• Motorikk og rørslu
• Gott samstarv við foreldur og aðrar samstarvspartar
• At vera opin, fakliga forvitin og kreativ
• Trivnað á stovninum. Hava tað stuttligt og flenna saman, børn sum vaksin

Setanarviðurskifti:

Løn sambært sáttmála millum Føroya Pedagogfelag og Kommunala Arbeiðsgevarafelagið.
Søkir eingin skikkaður námsfrøðingur, kann hjálparfólk verða sett.

Umsókn:

Umsókn saman við møguligum prógvum og viðmælum verður at senda til torshavn@torshavn.fo í seinasta lagi mánadagin 12. oktober 2020 kl 12, viðmerkt: umsókn til Lítlaskóg
Meira fæst at vita um størvini og stovnin við at venda sær til Gyðju Johannesen, stovnsleiðara, á telefon 302370.
Fleiri størv
Trýst her
Starvsvenjing
í Føroyum