Reingerð til fólkapensjónistar

Møguleiki er at søkja um reingerð frá Heilsu- og umsorganartænatuni. Endamálið við at veita reingerðartænastu, er at tryggja góðar heilsuumstøður, stimbra vælveruna og lívsgóðskuna hjá borgarum, ið lutvíst ella fult ikki eru før fyri sjálvi at gera reint.

Tænastan kann játtast fyri eitt styttri ella longri tíðarskeið. Vanliga fevnir reingerðin um dustsúgving og vask av gólvum, vask av vesi og baðiverilsi og at støva av karmar, fótlistar o.t. Høvuðsreingerð er ikki við í tænastuni.

Reingerðartænastan er eitt tilboð til fólkapensjónistar, sum ikki sjálvir megna at gera reint í egnum heimi. Vanliga verður ikki veitt reingerð um ein býr saman við frískum hjúnafelaga/maka ella vaksnum yvir 18 ár, ið megna at gera reint.

Visitatiónin hjá Heilsu- og umsorganartænastuni ger eina fakliga meting av tørvinum. Játtan til reingerð er treytað av, at visitator metir at tørvur er á hjálp til reingerð.

Reingerðin verður veitt triðju hvørja viku í tveir manntímar, og kostar hetta 170 kr. Tveir manntímar er at skilja sum eitt reingerðarfólk í tveir tímar, ella tvey reingerðarfólk í ein tíma.

Heilsu- og umsorganartænastan hevur gjørt avtalu, fyri 2020, við reingerðarfyritøkuna Dveylan, um at veita reingerðartænastu til fólkapensjónistar í Tórshavnar kommunu, sum fáa játtaða reingerðartænastu.

Talan er um serstaka tænastu og skal borgarin søkja um tænastuna.

Sí umsóknarblað og faldara í høgru síðu.


Faldari
Trýst á myndina fyri at taka niður faldaran: