Starvsfólk til Dagstovnin í Løkjatúni
Vit sóknast frískum og hugflogsríkum starvsfólkum til at ríka um okkara góða og raska starvsfólkahóp.

Vit sóknast eftir námsfrøðingum til stuðulstørv.

Eitt starv er í vøggustovu, sum stuðul hjá barni eitt ár, sum skal stimbrast rørsluliga og sansaliga. Eitt stuðulsstarv er í barnagarði, sum stuðul hjá barni trý ár, har arbeiðast skal við málmenning og sosiala samspælinum. Tímatal er millum 25-30 tímar. Vit sóknast eisini eftir starvsfólki til hjálparfólkastørv í bæði barnagarði og vøggustovu.
Eisni leita vit eftir avloysarum.

Størvini eru ætlað at byrja tiðarsett frá 1. desember 2020 til 1.juli 2021, ella sum vit avtala tað.

Námfrøðilesandi eru hjartaliga vælkomin at søkja.

LÝSING AV STOVNINUM
Á Dagstovninum í Løkjatúni ganga áleið 66 børn. Vit liggja í vakra og barnavinarliga landslagnum við Sandá.

Á stovninum eru fýra stovur. Tvær vøggustovur við 13 børnum á hvørjari, og tveimum barnagarðstovum við áleið 20 børnum á hvørjari. Í Løkjatúni arbeiða í løtuni sjey námsfrøðingar og 11 hjálparfólk. Ein námsfrøðingur er í farloyvi og so mangla vit teg. Vit eru ein starvsfólkabólkur sum telur áleið 20 starvsfólk.

Frammanundan arbeiðir ein námsfrøðingur sum stuðul, so góður møguleiki er fyri at sparra, ella skapa karm um eitt fjølbroytt og spennandi stuðulstoymi.

Vit arbeiða fyri at bjóða børnum sum vaksnum ein tryggan og innihaldsríkan dag, sum er merktur av nærveru, avbjóðingum og tíð.

VIT LEGGJA DENTIN Á:
• 

At øll starvsfólk hava møguleika fyri at mynda gerandisdagin og hava
ábyrgd fyri innihaldinum


At møta barninum har tað er í menningini og at avbjóðingar eru ti tey
samsarandi

At trivni og stuttleiki er ein partur av arbeiðsdegnum og samveruni

At samstarv við foreldur er eitt aðalmál

At toymisarbeiði og verkætlanararbeiði verður prioritera

SETANARVIÐURSKIFTI
Løn sambært sáttmála millum Føroya Pedagogfelag og Kommunala Arbeiðsgevara felagið.

Umsókn við møguligum prógvum og viðmælum skal sendast til torshavn@torshavn.fo, freist at søkja er 16. november 2020 viðmerk umsókn til Løkjatún.

Meira fæst at vita um størvini við at venda sær til Berit Weihe, stovnsleiðara, telefon 262261.




Øll størv
trýst her