Námsfrøðingar og hjálparfólk til dagstovnin í Hoyvík
Tórshavnar kommuna sóknast vegna Dagstovnin í Hoyvík eftir námsfrøðingum og hjálparfólki.

Tríggir av okkara starvsfeløgum fara at lesa. Tí tørvar okkum trý fólk, sum vilja arbeiða saman við einum góðum starvsfólkabólki - og ikki minni góðum og stuttligum barnabólki. Hevur hetta tín áhuga og ert tú forvitin eftir at læra nakað um okkara gerandisdag og fáa nógvar ymiskar upplivingar, so eigur tú at søkja starv hjá okkum.

STØRVINI
• 
Námsfrøðingur at arbeiða 35 tímar um vikuna í vøggustovu við 10 børnum

Námsfrøðingur at arbeiða 25 tímar um vikuna í barnagarðsstovu við 16 børnum

Hjálparfólk at arbeiða 20-25 tímar um vikuna í vøggustovu

Størvini verða sett 6. august 2018 ella eftir nærri avtalu.

Um ongir námsfrøðingar søkja, verða hjálparfólk sett tíðaravmarkað.

VIT VÆNTA, AT:
• 
tú hevur hug og evni at menna námsfrøðiliga arbeiðið á stovninum

tú hevur góð samstarvs- og samskiftisevni og megnar at virka fyri góðum samstarvi við foreldur, børn og starvsfelagar

tú ert ágrýtin og hevur hug og evni til at skapa ein fjølbroyttan, mennandi og tryggan gerandisdag fyri einstaka barnið

tú megnar at arbeiða sjálvstøðugt og tekur ábyrgd og avgerðir, samstundis sum tú megnar at varðveita yvirlitið, tá ið á stendur

VIT BJÓÐA
• 
fakligar og persónligar avbjóðingar

góðan humor

gott arbeiðsumhvørvi

gott samanhald

støðugan starvsfólkabólk við drúgvum royndum

eina áhugaverda námsætlan v.m.

SETANARVIÐURSKIFTI
Størvini verða sett sambært sáttmála millum Føroya Pedagogfelag og Kommunala Arbeiðsgevarafelagið.

MEIRA FÆST AT VITA
Hevur tú spurningar til størvini, kanst tú venda tær til Unu Jacobsen, stovnsleiðara, á telefon 217318, ella vitja www.dagstovnurinihoyvik.fo

UMSÓKN
Umsókn saman við upplýsingum um útbúgving, viðmæli og royndir verður at senda til Tórshavnar kommunu á torshavn@torshavn.fo

Umsóknarfreistin er 18. juni 2018.



Øll størv
trýst her