Námsfrøðingur til Dagstovnin á Argjum
Tórshavnar kommuna søkir vegna Dagstovnin á Argjum eftir einum námsfrøðingi.

Vit sóknast eftir einum námsfrøðingi til vøggustovu, 30 tímar um vikuna, frá 23. mars 2020 til og við 10. juli 2020. Aftaná er møguleiki fyri føstum starvi í annaðhvørt barnagarði ella vøggustovu.

Um námsfrøðingur ikki verður settur, kann hjálparfólk verða sett í tíðaravmarkað starv.

DAGSTOVNURIN Á ARGJUM
LEGGUR MILLUM ANNAÐ DENT Á:
• 
fólkaræði og sjálvbjargni

opinleika og tolsemi

virðing og trivnað

góðar relatiónir

felags ábyrgd

samstarv

kropp og rørslu

VIT VÆNTA AT:
• 

tú hevur hug og evni at menna námsfrøðiliga arbeiðið á
stovninum

tú hevur góð samstarvs- og samskiftisevni

tú ert ágrýtin og tolin


tú hevur hug og evni at skapa ein fjølbroyttan, mennandi
og tryggan gerandisdag fyri børnini


tú megnar at arbeiða sjálvstøðugt og tekur ábyrgd og
avgerðir

tú megnar at varðveita yvirlitið, tá ið á stendur

STOVNURIN KANN BJÓÐA EINA STOVNSMENTAN:
• 

har fólkaræði og sjálvbjargni er ein náttúruligur partur í
gerandisdegnum


har børnini, umframt millummála, fáa breyð og viðskera á
middegi

har vøggustovubørn og barnagarðsbørn vitja hvønn annan


har ymisk afturvendandi tiltøk sum jólahald, føstulávintshald,
sólarkakao, djúsdagur, vafludagur v/meira eru á skrá




har foreldur sjálvi kunnu velja, nær tey koma við børnunum
um morgunin, fyri at gera tað møguligt hjá foreldrum, sum t.d.
arbeiða “skeivar” arbeiðstíðir, at vera meira saman við børnum
sínum

har starvsfólk tvørtur um stovur stuðla og hjálpa hvør øðrum


har tú hevur møguleika fyri at ávirka og seta tín dám á arbeiðið
við børnunum

har tað er pláss fyri ymiskum meiningum og arbeiðshættum


har fyrireikingartíð og stovu-, starvsfólka- og pedagogfundir eru
fastir á skrá




har vit síggja tað sum eina styrki fyri trivnaðin og fakligu dygdina
á stovninum, at starvsfólk tora at undrast, seta spurningar, siga
sína hugsan og kjakast um ymisk evni, sum hava bæði fakligan,
menniskjaligan og samfelagsligan týdning

ØKIÐ RUNDAN UM STOVNIN
Umframt stóra garðin, so eru ein rúgva av áhugaverdum støðum í nærumhvørvinum, sum vit javnan vitja saman við børnunum. Nevnast kunnu m.o. Sandá, Sandágerð, Sjósavnið, AB-vøllurin, sparkivøllurin, Kongavarðarnir og hagin rundan um.

Busssambandið er gott, tí bæði leið 1 og 3 steðga tætt við stovnin.

SETANARVIÐURSKIFTI
Starvið verður sett sambært sáttmála millum Føroya Pedagogfelag og Kommunala Arbeiðsgevarafelag Føroya.

Starvið inniber, at tú eftir tørvi kann hjálpa til á øðrum stovum og at tú mást tola broytingar í starvinum.

MEIRA FÆST AT VITA
Um tú hevur spurningar til starvið og stovnin, kanst tú venda tær til Irenu Tróndheim, stovnsleiðara, telefon 302323 / 219019 ella vitja heimasíðuna www.dagstovnurin.fo

UMSÓKN
Umsókn saman við viðmælum, upplýsingum um útbúgving og royndir, skal sendast til torshavn@torshavn.fo

Umsóknarfreistin er hósdagin 13. februar 2020.





Øll størv
trýst her