Frá bíðilista til bóking

Í oktobur 2018 fór Tórshavnar kommuna frá gomlu skipanini við bíðilista til dagstovnapláss, til ein talgilda bókingarskipan nevnd BARN.

Við hesi skipan er tað latið til foreldur sjálvi at bóka dagstovnapláss til síni børn.

Atgongd til skipanina fæst á forsíðuni á torshavn.fo

Til tess at rita inn á skipanina krevst MínLykil, ið kann bíleggjast á minlykil.fo

Skipanin er eisini knýtt at MínBoks, men ein kann tó gott brúka skipanina uttan MínBoks, tí allir upplýsingar síggjast inni í BARN. Vit mæla tó til at fólk fáa sær MínBoks.

MínBoks fæst á minboks.fo

Bæði MínLykil og MínBoks eru ókeypis.

Tey, ið ikki kunnu nýta BARN, mugu koma í Snarskivuna við umsóknarblaðnum niðanfyri.

Umsóknarblaðið fæst eisini í Snarskivuni.

Tað er neyðugt, at foreldur eru til staðar í Snarskivuni meðan skipanin leitar eftir stovnsplássi teirra vegna, tí um skipanin finnur hóskandi pláss, mugu foreldur taka av og vátta beinanvegin. Tí eitt pláss sum er tøkt eina løtu, kann vera bóka ta næstu løtuna av øðrum foreldrum, ið sjálvi rita inn og leita eftir plássi.
 

Mín lykil
MínLykil er ein trygg innritngarskipan, sum umleið 19.000 higartil hava tikið í nýtslu. Á www.minlykil.fo ber til at fáa hesa innritingarskipan, sum foreldur mugu nýta til tess at rita inn nýggju bíleggingarskipanina á stovnspláss.