Lurta

Kommunalar útstykkingar í Tórshavnar kommunu

Ætlar tú at útvega tær grundstykki til at byggja sethús í Tórshavnar kommunu, hevur tú tvinnar møguleikar. Tú kanst annaðhvørt keypa eitt stykki frá privatum, ella tú kanst melda til lutakast, so hvørt sum kommunan almannakunnger, at grundstykki eru klár at luta út. 

Tá ið eingin keypari er til grundstykki, ið hava verið boðin út í lutakasti, verða stykkini lýst til sølu á heimasíðuni og í fjølmiðlunum. Er nakað stykki til sølu, sært tú tað eisini niðanfyri á hesari síðuni.

Tórshavnar býráð samtykti 28. januar 2016 at avtaka skipanina við bíðilistum til grundstykki. Borgarar kunnu í staðin tekna seg til útlutanir, so hvørt sum stykki eru klár at luta út. Á hendan hátt fáa øll, sum lúka treytirnar fyri at fáa tillutað ogn frá kommununi, javnbjóðis møguleika at vera við í lutakastinum. 

Kommunan kunnar alment um, nær útlutanir fara fram, og síðan ber til at tekna seg til útlutanina. 

Fyri at vera við í lutakastinum til grundstykki í kommununi, skalt tú millum annað vera fylt 18 ár, og tú skalt ikki eiga fasta ogn í kommununi, ið kann nýtast til privatan bústað. Kunna teg nærri um treytirnar í reglugerðini fyri tilmelding og útlutan av grundstykkjum.

Reglur fyri tilmelding til lutakast og útlutan av grundstykkjum



Útlutan og søla av grundstykkjum
Grundstykki til privata útlutan

Eingi grundstykki eru til útlutan í løtuni.

Grundøki við Villingadalsvegin til sølu til lutaíbúðir

Tórshavnar kommuna lýsir við hesum matrikkul 1356 og 1355 við Villingadalsvegin, tilsamans umleið 22.000 m2, til sølu til lutaíbúðarbygging.

Matriklarnir liggja í 160 metra hædd og hava stórsligið útsýni norður-, eystur- og suðureftir. Frá miðbýnum í Havn og niðan til matrikklarnar eru beint niðanfyri 3 kilometrar. Í kringumráðnum eru einamest bústaðir og nakrir einstakir dagstovnar.

Í bústaðarpolitikkinum fyri Tórshavnar kommunu er sett út í kortið at náa einari samanseting av bústaðarsløgum áljóðandi 60% sethús, 20% íbúðir og 20% rað- og tvíhús innan 2030. 9 ár áðrenn framrokningina kunnu vit staðfesta, at vit meiri ella minni hava nátt hesum málinum við 59% sethúsum, 27% íbúðum og 14% rað- og tvíhúsum. Hetta vísir, at tað er sera ringt sum kommuna at planleggja, hvussu tann veruligi bústaðarmarknaðurin kemur at síggja út. Tó kann kommunan gera sítt fyri at stýra planleggingini ávísar vegir, t.d. við at leggja tey kommunalu grundstykkini út til ávís endamál.

Matrikklarnir 1356 og 1355 við Villingadalsvegin eru tilsamans størri enn øll Javnagøta og Korkagøta, ið eru býlingarnir niðanfyri økið. Talan er tí um eitt sera stórt øki og ein heilt nýggjan býling, ið kemur at liggja við endan á Villingadalsvegnum.

Tað er upp til tey bjóðandi at koma við uppskoti til, hvussu byggingin og økið verður skipað, men kravið er, at bústaðirnir skulu gerast sum lutaíbúðir.

Einstaklingar og feløg við tilknýttum arkitektaráðgeva kunnu bjóða.


Innlatingarfreistir

Gev gætur, at tíðarætlanin er longd. Útbjóðingin av grundøkinum við Villingadalsvegin er longt soleiðis: 
  • 3. mai 2022: kunngerð á heimasíðuni hjá kommununi
  • 30. mai 2022: seinasta freist at seta spurningar til ætlanina og útboðið
  • 3. juni 2022: kommunan svarar settu spurningunum
  • 3. oktober 2022 kl. 12: freist at lata inn skrivlig tilboð
  • 27. oktober 2022: avgerð verður tikin um innkomin tilboð á býráðsfundi

Skrivlig boð skulu latast kommununi í afturlatnum brævbjálva saman við fylgiskjølum á geyma og váttan um fígging frá fíggingarstovni í seinasta lagi 3. oktober 2022 kl. 12.

Útbjóðingartilfar

Útbjóðingartilfarið sært tú her: 

Útbjóðingartilfar - Grundøki við Villingadalsvegin til sølu til lutaíbúðir

Grundøki í Kollafirði til sølu til raðhúsa- ella íbúðarbygging

Tórshavnar kommuna lýsir við hesum ein part av matrikkul nummar 203c í Kollafirði, umleið 4480 m2, til sølu til bústaðarbygging.

Í Kommunuætlanini og í bústaðarpolitikkinum fyri Tórshavnar kommunu verður mælt til, at fleiri bústaðir verða gjørdir í kommununi. Tilflytingin hevur seinnu árini verið ovurhonds stór, og tí er kommunan í troti við bústøðum.

Politiskt er ynski at royna aðrar leiðir fyri at nøkta tørvin á bústøðum, og tí verður farið undir at bjóða privatum mennarum at keypa part av matr. nr. 203c í Kollafirði at menna til íbúðir ella raðhús til leigu- ella eigarabústaðir.

Einstaklingar og feløg kunnu bjóða uppá grundøkið.

 

Innlatingarfreist

Skrivlig boð skulu latast kommununi í afturlatnum brævbjálva, saman við fylgiskjølum á geyma og váttan um fígging frá fíggingarstovni í seinasta lagi 1. august 2022 kl. 12.

Lýsast skal, hvussu tilboðsgevari fíggjarliga megnar at fullføra verkætlanina.

 

Útbjóðingartilfar

Fyri søluna er kunngerð nr. 122 frá 22. desember 2000 um alment útboð av kommunalari fastogn galdandi.

Útbjóðingartilfarið sæst her:

Snarskivan
Snarskivan

Vaglið 1, 100 Tórshavn

Les um Snarskivuna

torshavn@torshavn.fo

Tel. 30 20 10

Upplatingartíðir
Mánadag - hósdag 9 - 16
Fríggjadag 9 - 15