Lurta
Til lesiveik

Kavarudding

Kommunan ruddar kava og syrgir fyri, at almennu vegirnir, gøturnar og parkeringsøkini ikki eru hál.

Í kavaveðri taka maskinurnar hjá Tórshavnar kommunu sær av kavaruddingini.

Neyðugt er at raðfesta arbeiðið, tí vit fáa ikki ruddað og saltað allar vegir í senn. Salting og kavarudding verður altíð skipað soleiðis, at tað kemur flest møguligum borgarum til góðar. 

Sum grundeigari í Tórshavnar kommunu hevur tú eisini sjálv ymsar skyldur í samband við salting og kavarudding. Les meira um hetta niðanfyri.

Kavarudding á tínari gøtu



Raðfesting av kavaruddingar- og saltingararbeiðinum
Raðfesting av kavaruddingar- og saltingararbeiðinum

Arbeiðið at rudda kava og at salta fylgir altíð somu raðfesting.

Raðfestingin av vegunum er hendan:

  1. Høvuðsvegir, sum bussleiðin nýtir, og sum sjúkraflutningur nýtir at sleppa fram at Landssjúkrahúsinum
  2. Høvuðsvegir við stovnar og skúlar
  3. Sambindingarvegir
  4. Brattar brekkur
  5. Býlingavegir og íbúðarvegir (hesir verða bert ruddaðir, um maskinur eru tøkar)

Felags fyri raðfestingina av øllum kommunalum vegum er, at kommunan saltar í minsta lagi eina gongubreyt.

Saltkassar
Saltkassar

Í árendum økjum hevur kommunan sett grønar og gular saltkassar, sum tú kanst heinta salt úr, tá tørvur er á tí.

Tú sært eitt yvirlit yvir saltkassarnar á kortinum niðanfyri. Skriva tín bústað í leititeigin; so sært tú, hvør saltkassi er tættastur tínum húsum.

Opna kort í nýggjum vindeyga

Manglar salt í kassanum, kanst tú boða kommununi frá niðanfyri.

Boða frá tómum saltkassa