Lurta
Til lesiveik

Parkering

Í Tórshavnar kommunu er bert loyvt at parkera sambært skeltingini og kunngerðini hjá Tórshavnar kommuni og sambært ásetingunum í ferðslulógini. Hetta er bæði galdandi í býarøkinum og uttan fyri býarøkið.

Hevur tú Samleikan, skalt tú søkja um parkeringsloyvi á Vanganum. Minst til at hava møguliga váttan frá eigara av bústaðnum og akfarsskrásetingarskjalið klárt.

Søk um parkeringsloyvi á vanganum

Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum.

Fært tú av onkrari orsøk ikki nýtt Vangan, kanst tú fylla út umsókn á heimasíðuni og senda hana til torshavn@torshavn.fo ella lata hana inn á Snarskivuni, á Vaglinum 11, í Tórshavn. Sendir tú umsóknina inn sum teldubræv, skalt tú minnast til at viðmerkja "Umsókn um parkeringsloyvi" í evnisteigin.

Tað er ein fyrimunur at søkja á Vanganum, tí samskiftið á Vanganum er bæði skjótari og tryggari. Á tínari vangasíðu hevur tú harafturat møguleika fyri at fylgja við í viðgerðargongdini.

Heimasíðan hjá Samleikanum (samleikin.fo)

Umsókn um parkeringsloyvi

 

Á kortinum niðanfyri sært tú, hvar parkeringsplássini eru í kommununi.

Tú kanst trýsta á parkeringsøkið og síggja, hvørjar tíðaravmarkingarnar eru.

Kort í fullari stødd



Sekt
Parkeringsbót

Fýra parkeringsansarar hava eftirlit við parkeringini. Parkerar tú ólógligt, fært tú bót á 200 kr.

Kæra um parkeringsbót
Kæra um parkeringsbót

Heldur tú, at tú av órøttum hevur fingið bót fyri ólógliga parkering, kanst tú senda eina kæru til Fútaskrivstovuna.

          FÚTASKRIVSTOVAN

          Postboks 3018
          110 Tórshavn

          post@sorinskrivarin.fo  

          Tel. 35 14 48

Skrivstovan er opin mánadag til fríggjadag kl. 10 – 15.

Parkeringsloyvi
Hvussu søki eg um parkeringsloyvi?

Tú kanst søkja um parkeringsloyvi, um tú býrt innan fyri parkeringsøki í miðbýnum og ikki hevur møguleika fyri at parkera ella gera egið parkeringspláss á bústaðnum.

Hevur tú Samleikan, skalt tú søkja um parkeringsloyvi á Vanganum. Minst til at hava møguliga váttan frá eigara av bústaðnum og akfarsskrásetingarskjalið klárt.

Søk um parkeringsloyvi á vanganum

Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum.

Fært tú av onkrari orsøk ikki nýtt Vangan, kanst tú fylla út umsókn á heimasíðuni og senda hana til torshavn@torshavn.fo ella lata hana inn á Snarskivuni, á Vaglinum 11, í Tórshavn. Sendir tú umsóknina inn sum teldubræv, skalt tú minnast til at viðmerkja "Umsókn um parkeringsloyvi" í evnisteigin.

Tað er ein fyrimunur at søkja á Vanganum, tí samskiftið á Vanganum er bæði skjótari og tryggari. Á tínari vangasíðu hevur tú harafturat møguleika fyri at fylgja við í viðgerðargongdini.

Heimasíðan hjá Samleikanum (samleikin.fo)

Umsókn um parkeringsloyvi

 

Kunna teg nærri um reglugerðina fyri parkeringsloyvi niðanfyri.

Reglugerð fyri parkeringsloyvi

Hvør kann søkja um loyvi?

Sum privatpersónur kanst tú søkja um loyvi, um tú býrt innan fyri parkeringsøkið í miðbýnum í Havn.

Parkeringsøkið er merkt við reyðum á kortinum niðanfyri.

Fyri at fáa loyvi, skal bilurin vera skrásettur á tínum bústaði og í tínum navni.

Bara eitt loyvi verður veitt hvørjum bústaði.

Um tú ikki eigur bústaðin, skalt tú hava váttan frá eigaranum av bústaðnum um, at tú kanst søkja um loyvið. Minst til at viðfesta váttanina, tá tú søkir um loyvi á Vanganum.

Hvat kostar eitt parkeringsloyvi?

Eitt parkeringsloyvi kostar 780 kr. um árið ella 65 kr. um mánaðin.  

Loyvið er galdandi frá 1. januar til 31. desember.

Gev gætur, at peningurin verður ikki afturrindaður, um tú ikki nýtir loyvið, til dømis um tú selur bilin ella flytur bústað úr parkeringsøkinum.

Hvar eru parkeringsloyvi galdandi?

Tú kanst kanna um tú hevur møguleika fyri at søkja um parkeringsloyvi við at skriva tín bústað í leititeigin niðanfyri.
Hevur tú møguleika fyri at søkja um parkeringsloyvi, sært tú í PDF-skjølunum, hvørji parkeringspláss tú kanst nýta.

Parkeringsloyvið kann nýtast í tínum nærumhvørvi á flest øllum parkeringsplássum, sum hava parkeringsavmarking á tveir tímar, átta tímar ella óavmarkaða tíð.

Á støðum, sum loyvini ikki eru galdandi, er frámerkt "Parkeringsloyvi ikki galdandi".

 

Bakgrundskunning

Um tú vilt lesa meira um ferðslureglurnar, finnur tú ferðslulógina her:

Ferðslulógin (logir.fo)

Vilt tú vita meiri um treytirnar fyri at fáa parkeringsloyvi, kanst tú lesa reglugerðina her:

Reglugerð fyri parkeringsloyvi (PDF)