Leygarmorgunin 11. september byrjaði Fjarhitafelagið at grava og spreingja í brekkuni í Jóannesar Paturssonar gøtu. Arbeiðið varir til fríggjadagin 24. september.
Av tí at talan er um arbeiði við stórum bilum og maskinum og um spreingiarbeiði, er tað bara Bussleiðin og arbeiðsakfør hjá Andriasi Berg, sum kunnu koyra í brekkuni í J. Paturssonar gøtu í tíðarskeiðnum. Stongt er fyri allari aðrari ferðslu.
Brekkan verður fyrst og fremst stongd av trygdarávum, men eisini fyri at fáa arbeiðið munandi skjótari liðugt.
ÁVIRKAN
Arbeiðið merkir sostatt, at:
- stongt er fyri allari ferðslu úr Steinatúni til Jóanesar Paturssonar gøtu. Bara bussleiðin og arbeiðsbilar hjá Andriasi Berg eru undantikin. Øll onnur bilaferðsla kann annaðhvørt snara oman eftir Tórsgøtu ella niðan eftir Niels Finsens gøtu
- ferðslan ið kemur oman eftir Dalavegnum og Jóannesar Paturssonar gøtu má ikki koyra oman brekkuna til Steinatún - bilar skulu annaðhvørt fara eftir Heygsbreyt oman í býin ella snara til høgru út eftir Jóanesar Paturssonar gøtu og kunnu sleppa oman í býin umvegis Gríms Kambans gøtu
- ferðslan ið kemur oman eftir Tróndargøtu kann ikki snara til høgru niðan eftir J. Paturssonar gøtu
- stongt er fyri allari ferðslu á niðasta strekkinum á Dalavegnum millum Doktara Jakobsens gøtu og Jóanesar Paturssonar gøtu (við Kirkjugarðin á Svínaryggi)
- hetta merkir eisini, at grøna parkeringsøkið í brekkuni í J. Paturssonar gøtu er stongt, meðan arbeiðið fer fram
Av tí at hetta er ein av mest nýttu vegastrekkjunum í miðbýnum, mælir Tórshavnar kommuna bilførarum til at nýta Ringvegin í tann mun tað ber til, heldur enn smærri síðugøturnar.
Fram til 11. november 2021 gera vit kantsteinsarbeiði á Karlamagnusarbreyt frá Rólantsgøtu til Atlagøtu. Vit arbeiða í einum borði í senn.
ÁVIRKAN
Arbeiðið ber í sær, at koyribreytin smalkar, og at onnur av gongubreytunum verður lutvíst sperrað, meðan vit arbeiða.
Frá 16. apríl gera vit gongubreyt í Líðini í Kollafirði. Arbeiðið ber í sær, at koyribreytin smalkar:
Parkeringin í økinum kring Svimjihøllina í Gundadali er umskipað í sambandi við grevstrinum fyri langhylin í Gundadali.
Borgara kunnu seta bilin í økjunum við frámerkinum »P« á myndini niðanfyri.
Eitt nú ber til at parkera á stóra parkeringsøkinum við Skipara Hansens stein millum Høllina á Hálsi og R.C. Effersøes gøtu.
Tað er koyrandi oman til FIMI og HB- og B36-skýlini, men tað ber ikki til at seta bilin framvið vegnum, sum vanligt er.
