Lurta
Til lesiveik

Dagstovnagjøld

Tú rindar dagstovnagjald ellivu mánaðir um árið, tá tú hevur eitt barn í dagstovni. Í juli mánaða er einki gjald.

Gjaldsupphæddirnar fyri dagstovnapláss verða tillagaðar hvørt fíggjarár.

Niðanfyri sært tú mánaðarligu gjøldini fyri dagstovnarnar í ár.



Gjøld 2021
Gjøld fyri dagstovnapláss

Vøggustovupláss 0-2 ár          3.152 kr. um mánaðin

Barnagarðspláss 3-5 ár           1.933 kr. um mánaðin    

Frá vøggustovu til barnagarð

Tú skalt rinda vøggustovugjald til mánaðin fyri, at barnið fyllir trý ár. Fyllir títt barn til dømis trý ár í desember, skalt tú rinda seinasta vøggustovgjaldið í november.

Barnagarðsgjaldið skal rindast frá tí mánaða, barnið fyllir trý ár.

Systkinafrádráttur

Hevur tú fleiri børn á stovni, rindar tú bara fyri tað yngsta barnið. Sostatt rindar einki foreldur meira enn tað, sum eitt vøggustovupláss kostar.

Fyri at kunna roknast sum systkin, skulu børn annaðhvørt vera:

  • Lívfrøðilig systkin, ið bæði búgva hjá pápanum ella hjá mammuni, sum hevur foreldramyndugleikan
  • Ættleidd systkin, sum hava sama bústað sambært fólkayvirlitinum

Fyri at fáa systkinafrádrátt skal barnið harafturat búgva í Torshavnar kommunu.

Búgva foreldrini ikki saman, men hava felags foreldramyndugleika, verður barnið roknað sum systkin á tí bústaðnum, barnið er skrásett á í fólkayvirlitinum. Tað vil siga, at systkinafrádrátturin fellur til tann, sum sambært fólkayvirlitinum hevur barnið búgvandi. Hetta uttan mun til, um barnið býr líka nógv hjá báðum foreldrum.

Reglurnar fevna um børn, ið ganga á dagstovnum.

Kunna teg nærri um reglurnar í dagstovnalógini niðanfyri.

Dagstovnalógin (logir.fo)  

Frípláss

Foreldur við inntøkum undir einum ávísum marki kunnu søkja kommununa um eitt ískoyti til at fíggja dagstovnaplássið. Ískoytið verður rópt fyri fíggjarligt frípláss.

Bóka pláss á dagstovni

Søk um frípláss til dagstovn

Barnafrádráttur

Fyri hvørt barn undir 18 ár, sum tú hevur foreldramyndugleikan yvir, lata landið og kommunan ein frádrátt í ávikavist lands- og kommunuskattinum.

Í 2021 er árligi skattafrádrátturin 8000 kr. í Tórshavnar kommunu.

Í 2021 er árligi frádrátturin í landsskattinum 6500 kr. fyri hvørt barn í aldrinum 7-17 ár og 9.200 kr. fyri hvørt barn undir sjey ár.

Tað vil siga:

  • Hevur tú foreldramyndugleikan yvir einum barni, sum er tíggju ára gamalt, og býrt tú í Tórshavnar kommunu, er tín samlaði frádráttur 14.500 kr. um árið
  • Hevur tú foreldramyndugleikan yvir einum barni, sum er fýra ára gamalt, og býrt tú í Tórshavnar kommunu, er tín samlaði frádráttur 17.200 kr. um árið

Frádrátturin er ymiskur alt eftir hvørjari kommunu, tú býrt í. Tórshavnar kommuna hevur ein av hægstu barnafrádráttunum í landinum.

Gift foreldur kunnu velja, hvør skal fáa frádráttin. Eru foreldrini ikki gift, fær mamman frádráttin.

Kunna teg nærri um barnafrádráttin á heimasíðuni hjá TAKS.

TAKS – barnafrádráttur (taks.fo)

Vantandi dagstovnagjald

Fer eftirstøðan fyri eitt dagstovnapláss upp um tveir mánaðir, kann kommunan siga plássið upp.