Søk um frípláss til dagstovn                      

Fyri at søkja um frípláss skalt tú útfylla umsóknarskjalið um frípláss.

Harafturat skalt vita samlaðu mánaðarligu inntøkuna hjá tær og tínum maka í løtuni.

Hevur tú ella tín maki eyka inntøkur aftrat lønarinntøku, skalt tú viðfesta skjalprógv fyri eykainntøkurnar.

Eykainntøkur kunnu til dømis vera inntøkur frá útleigan av íbúð, inntøkur frá virðisbrøvum ella inntøkur, ið ikki eru skattskyldugar í Føroyum. Tú hevur skyldu til at kunna okkum um tílíkar inntøkur.

Hvussu stórt ískoyti, tú kanst fáa, veldst um inntøkurnar í húskinum. Á inntøkustiganum fyri frípláss sært tú, hvussu stóran part, tú sjálv skalt rinda, og hvussu stóran part, landið rindar. Fyri at rokna fríplássupphæddina skalt tú sostatt bara vita samlaðu inntøkuna hjá tær og tínum maka, umframt galdandi dagstovnagjøldini.

Inntøkustigi fyri frípláss (verður umsitið av Almannamálaráðnum)

Dagstovnagjøld

Vit kunnu í fyrsta lagi játta tær frípláss, tá tú hevur bókað eitt pláss á einum dagstovni. Bóka pláss her:                              

Bóka pláss á dagstovni                    

Tú fært fríplássískoytið, tá títt barn er byrjað á stovni. Gev gætur, at tað ber ikki til at søkja um frípláss afturvirkandi.

Ert tú ella tín maki sjálvstøðugt vinnurekandi, skalt tú viðhefta forskotsuppgerðina hjá viðkomandi, sum er sjálvstøðugt vinnurekandi.

Er tín umsókn um arbeiðsloysisstuðul ikki liðugt viðgjørd, er frægast, at tú viðmerkir navnið á tínum málsviðgera í ALS, og at tú gevur okkum loyvi til at seta okkum í samband við viðkomandi. Hetta kanst tú skriva í viðmerkingarteigin á tænastuportalinum, tá tú søkir um frípláss.

Soleiðis er skjótari hjá okkum at fáa yvirlit yvir samlaðu inntøkurnar í tínum húski. Tá ber til hjá okkum at rokna títt fíggjarliga frípláss út.

Játta vit tær heilt ella partvíst frípláss, minkar tykkara egingjald samsvarandi.

Tá tú vit hava játtað tær frípláss, fært tú bræv frá kommununi, har vit boða tær frá, hvussu stórt títt fíggjarliga frípláss er.

Fríplássið verður tá mótroknað á rokningum fyri dagstovnapláss, sum kommunan sendir tær hvønn mánaða.

Fríplássískoytið virkar frá tí degi, barnið byrjar á dagstovninum. Hetta er kortini treytað av, at tú hevur latið umsóknina um frípláss er inn í seinasta lagi ein mánaða eftir byrjunardagin.

Letur tú umsóknina inn seinni enn ein mánaða eftir byrjunardagin, er fríplássískoytið galdandi frá fyrsta degi í mánaðinum eftir.

Er títt barn til dømis byrjað á dagstovni 1. mars, og tú letur kommuni tína umsókn 25. februar ella 31. mars, so verður ískoytið veitt frá 1. mars. Letur tú hinvegin umsóknina inn seinni enn 31. mars, tekur fríplássið við frá 1. apríl.

Ja. Títt frípláss og harvið egingjald kann broytast frá mánaða til mánaða. Hetta kann koma fyri, um inntøkan hjá tær ella tínum maka broytist meira enn fimm trin á inntøkustiganum fyri frípláss.

Tú hevur skyldu til at boða kommununi frá varandi broytingum í inntøkuviðurskiftum og øðrum viðurskiftum, sum skerja rættin til fíggjarligt frípláss.

Hetta er umráðandi, tí kommunan kann javna fíggjarliga fríplássið afturvirkandi til tað mundið, viðurskiftini hjá tær broyttust.

Ert tú stakur uppihaldari, hava bara tíni egnu fíggjarviðurskifti ávirkan á, hvussu stórt títt fíggjarliga frípláss er. Inntøkur hjá børnum í húskinum telja ikki við.

Tú kanst síggja inntøkustigan fyri frípláss á heimasíðuni hjá Almannamálaráðnum.

Fyri at kunna roknast sum stakur uppihaldari er ikki nóg mikið, at tú livir einsamøll við barni sambært fólkayvirlitinum. At vera stakur uppihaldari merkir, at tú ikki livir saman við øðrum, hvørki sum sambúgvandi ella gift.

Hendan regla er eisini galdandi, ert tú sum umsøkjari ikki foreldur at barninum.

Lønarstigi fyri frípláss (verður umsitið av Almannamálaráðnum)

Lógin um barnagjald til stakar uppihaldarar (logir.fo)

Um tín inntøka broytist varandi, ella um hon er farin upp um inntøkumarkið á inntøkustiganum fyri frípláss í tríggjar samanhangandi mánaðir, skalt tú søkja frípláss av nýggjum.

Søk um frípláss til dagstovn

Tú hevur skyldu til at kunna okkum um broytingar í húski, hjúnastøðu ella í øðrum viðurskiftum, sum hava týdning fyri títt inntøkugrundarlag. Ein broyting kann til dømis vera, at tú fært ein maka, sum gevur fíggjarligt íkast til húskið.

Kortini hevur tú ikki skyldu til at kunna um tínar egnu inntøkubroytingar uttan so, at talan er um broytingar í inntøkum frá sjálvstøðugum vinnuvirksemi ella um broytingar í inntøkum, sum ikki eru skattskyldugar í Føroyum.

Vit eftirmeta títt fríplássískoyti eina ferð um árið.

Vit fáa upplýsingar, ársuppgerðir og onnur skjalprógv um tíni fíggjarviðurskifti frá TAKS.

Tá vit eftirjavna, hava vit eisini fyrilit fyri smærri inntøkubroytingum, sum ikki hava kravt eftirjavning árið fyri.