Frítíðarskúlin í Badmintonhøllini

Mánadag til fríggjadag frá kl. 11 til kl. 17.

Stovnsleiðari

Bogi Hansen
Tel. 30 23 85
joansa@torshavn.fo

Frítíðarskúlin

Tel. 22 49 02

• Allar vanligar halgidagar – stovnurin stongdur
• Páskafrítíð 27. mars – 5. apríl – møguleiki fyri at melda til samanlagt virksemi í tríggjar dagar
• Dýra biðidag 30. apríl – stovnurin stongdur
• Grundlógardag 5. juni – stovnurin stongdur
• Summarfrítíð vika 25 og 26 – møguleiki fyri at melda til samanlagt virksemi
• Summarfrítíð vika 27 til 32 – stovnurin stongdur
• Heystfrítíð 9. oktober – 17. oktober – møguleiki fyri at melda til samanlagt virksemi
• Jólafrítíð 22. desember – 4. januar 2022 – stovnurin stongdur
• Hvørt ár hevur skúlin, sum frítíðarskúlin hoyrir til, tveir serstakar frídagar. Teir dagarnar hevur frítíðarskúlin víðkaða upplatingartíð frá kl. 7.45 til kl. 17
• Hvørt ár hevur frítíðarskúlin sjálvur tveir ráðleggingardagar. Hesar báðar dagar er stovnurin stongdur. Tað er ymiskt, nær ráðleggingardagarnir eru, men foreldur fáa boð frá stovninum í seinasta lagi seks vikur frammanundan

SAMANLAGT VIRKSEMI

Samanlagt virksemi merkir, at frítíðarskúlarnir í Tórshavnar kommunu leggja sítt virksemi saman, soleiðis at ein frítíðarskúli er opin í frítíðartíðini.

Frítíðarskúlarnir hava samanlagt virksemi hesi tíðarskeið í 2021:

• Páskafrítíð 29. – 31. mars 2021
• Summarfrítíð 21. juni – 2. juli 2021
• Heystfrítíð 11. – 15. oktober 2021

Hevur tú tørv á tí, kann títt barn sostatt fáa pláss í samanlagda virkseminum, tá Frítíðarskúlin í Badmintonhøllini er stongdur.

FREISTIR AT BIÐJA UM PLÁSS Í SAMANLØGDUM VIRKSEMI:

• Páskafrítíð 14. mars 2021
• Summarfrítíð 4. juni 2021
• Heystfrítíð 1. oktober 2021

Gev gætur, at heldur tú ikki freistina, kunnu vit ikki tryggja tínum barni pláss í samanlagda virkseminum.

Hevur tú tørv á plássi í samanløgdum virksemi, kanst tú kunna teg nærri og søkja her:

Samanlagt virksemi í frítíðartíð í frítíðarskúla

Tit eru altíð vælkomin at vitja okkum.

Ring til stovnsleiðaran, Joan Iris Samson, á tel. 28 49 02 fyri at avtala eina vitjan.

Børnini skulu hava matpakka við hvønn dag. Børnini eta matpakkan annaðhvørt í skúlanum ella í frítíðarskúlanum.

Vit leggja stóran dent á fjølbroyttan og dygdargóðan millummála. Børnini fáa millummála hvønn dag umleið kl. 14.

Vit skipa javnan fyri fyrstuhjálparskeiðum og brandskeiði til okkara starvsfólk. Seinastu skeiðini vórðu hildin í apríl 2021.

Foreldraráðið skipa vit fyri at styrkja trivnaðin og sambandið millum starvsfólk, heim, foreldur og børn á stovninum.

Sum limur í foreldraráðnum kanst tú gera títt fyri, at stovnurin er eitt gott stað at vera. Tú fært ávirkan og innlit í gerandisdagin á stovninum og í námsfrøðiliga leistin. Sum limur í foreldraráðnum ert tú eisini hugskotsgevi og ert við til at kjakast um menningina og átøk á stovninum.

Tú verður við til at skifta orð um og viðgerða virðini handan námsfrøðiliga leistin, sum í ávísan mun eru stýrandi fyri tey ítriv, børnini og tey vaksnu eru saman um á stovninum.

NÁMSFRØÐILIGA ARBEIÐIÐ

Í frítíðarskúlanum í Badmintonhøllini leggja vit stóran dent á frælsið og frítíðina hjá barninum, og at barnið undir tryggum karmum er luttekur í at skapa egnan gerandisdag við stuðli frá vegleiðandi vaksnum, sum menna einstaka menniskjað.

ÍTRIV

Vit eru stødd í einum stórum ítróttarøki í Gundadali. Vit hava góðar møguleikar at nýta vøllir, svimjihøll og restina av nærumhvørvinum. Vit hava eitt friðað økið rundan um frítíðarskúlan við fleiri smáttum, og ein á rennir framvið. Vit hava mánabilar, súkklur og mangt annað. Umstøðurnar at røra seg eru góðar fyri rørsluligu menningina hjá einstaka barninum.

Vit hava sera góðar innanduraumstøður. Vit hava til dømis ymisk verkstøð, sum børnini kunnu brúka til at menna síni skapanarevni, vit hava ítróttarhøll, púturúm, dukkukrók, lesikrók, eitt stórt felagsrúm og annað. Alt hetta loyvir børnunum at menna seg á ymiskan hátt, bæði við skipaðum og óskipaðum tiltøkum.

MÓTTØKA

Vit fara eftir børnunum í Sankta Frans skúla eftir skúlatíð. Tá tosa vit við læraran um, hvussu gerandisdagurin hevur gingið.

FORELDRASAMSTARV

Vit leggja stóran dent á eitt opið og gott foreldrasamstarv, so vit kunnu menna einstaka barnið á bestan hátt.

SJÚKA

Er barnið sjúkt, vilja vit fegin hava boð um hetta í frítíðarskúlanum.

KLÆÐIR

Børnini skulu hava skiftiklæði í klædnarúminum. Hevur barnið ikki skiftiklæði, ringja vit til foreldrini.

TÚRDAGUR

Hvør mánadagur er túrdagur hjá einum flokki.

SVIMJING

Hvør flokkur hevur ein fastan svimjidag um vikuna, og tá er umráðandi at minnast til svimjiklæðir.

Í frítíðarskúlanum starvast 13 starvsfólk.

Dagliga samskiftið fer fram gjøgnum Høgguslokkin, sum er dagligi samskiftispersónurin hjá frítíðarskúlanum. Høgguslokkurin kann røkkast á tel. 22 49 02.

Vit hava eina boðtalvu í gongini, ið vit nýta til at geva foreldrunum boð og kunning um ymiskt.

Vit hava eisini ein afturlatnan Facebookbólk, ið vit eisini nýta til at geva boð. Bólkurin er bara ætlaður foreldrum og verjum.

Ein dygdarmennari úr Barna- og ungdómsdeildini hjá Tórshavnar kommunu kemur hvørt ár út til frítíðarskúlarnar í kommununi at eygleiða námsfrøðiliga innihaldið og umstøðurnar, sum námsfrøðiliga arbeiðið fer fram í.

Talan er um eitt skipað eftirlit, sum skal tryggja dygdina á hvørjum einstaka frítíðarskúla. Dygdarmennarin samskiftir síðani við frítíðarskúlaleiðaran og starvsfólkini um sínar eygleiðingar og um menningarmøguleikarnar.

Triðja hvørt ár skipar kommunan fyri einari kanning av trygdarviðurskiftunum á øllum frítíðarskúlaspæliplássum í Tórshavnar kommunu.

Í løtuni er tað Nordisk Legepladsinstitut, sum hevur kanningararbeiðið um hendi. Tórshavnar kommuna fær eina útgreinaða støðulýsing av hvørjum spæliplássi og ger neyðugu umvælingarnar ella tiltøkini, sum støðulýsingin mælir til.

Seinasta trygdareftirlit fór fram í 2018. Næsta eftirlitið verður í 2021.

Kommunalu húsavørðarnir hava dagliga eftirlitið við spæliplássunum.

Frítíðarskúlin í Badmintonhøllini hevur pláss fyri 96 børnum frá 1. og 2. flokki í Sankta Frans skúla.

Tú nýtir talgildu bókingarskipanina BARN, tá tú skalt bóka dagstovnapláss.

Fyri at nýta bókingarskipanina, skalt tú rita inn við Samleikanum, sum er ein trygg innritingarskipan. Hevur tú ikki Samleikan, kanst tú bíleggja tær hann her:

Fá Samleikan

Bókingarskipanin er somuleiðis knýtt at postskipanini MínBoks. Tú fært atgongd til tína MínBoks, tá tú hevur fingið Samleikan.

Hevur tú ikki møguleika fyri at nýta bókingarskipanina BARN, kanst tú fylla umsóknarblaðið niðanfyri út og lata tað inn á Snarskivuni á Vaglinum í Tórshavn. Tú noyðist tá at vera til staðar í Snarskivuni, meðan skipanin leitar eftir stovnsplássi fyri teg. Finnur skipanin hóskandi pláss, mást tú taka av stovnsplássinum og vátta beinanvegin. Orsøkin er, at eitt pláss, sum er tøkt, kann verða bókað hvørja løtu av foreldrum, sum sjálvi bóka pláss í skipanini.

Bóka pláss

Umsókn um pláss á dagstovni

Her kanst tú kunna teg um galdandi reglurnar fyri upptøku av børnum til frítíðarskúlarnar í Tórshavnar kommunu:

Upptøkureglur

Gjøldini fyri frítíðarskúlapláss sært tú her:

Gjøld fyri frítíðarskúla

Sum foreldur kunnu tit søkja um fíggjarligt frípláss til barnið.

Hvørt frípláss verður játtað, og hvussu nógv verður játtað, veldst um tykkara inntøku. Tú kanst kunna teg nærri á síðu okkara um frípláss.

Søk um frípláss

Ynskir tú at siga stovnsplássið frá tær ella biðja um farloyvi frá stovninum, er uppsagnartíðin tveir mánaðir. Tú kanst lesa meira her:

Sig upp frítíðarskúla