Lurta
Til lesiveik

Samanlagt virksemi í frítíðartíð fyri frítíðarskúlar

Hevur tú tørv á frítíðarskúlaplássi í frítíðini, tá frítíðarskúlarnir annars eru stongdir, kanst tú fáa pláss á einum frítíðarskúla, sum er opin í frítíðini. Í Tórshavnar kommunu leggja frítíðarskúlarnir virksemið saman í frítíðini, soleiðis at minst ein frítíðarskúli er opin.

Hevur tú tørv á plássi í samanløgdum virksemi, skalt tú søkja um tað.

Søk um pláss í samanløgdum virksemi

Øll børn til og við 2. flokk eru vælkomin at nýta tilboðið. Niðanfyri kanst tú kunna teg um, hvussu samanlagda virksemið er skipað, og hvussu tú meldar títt barn til.



Soleiðis meldar tú til
Hvussu meldi eg til?

Hevur tú tørv á plássi í samanløgdum virksemi, skalt tú søkja um tað við at nýta grøna knøttin niðanfyri og fylla skjalið út.

Søk um pláss í samanløgdum virksemi

Hevur tú spurningar, ert tú vælkomin at venda tær til Snarskivuna á tel. 30 20 10.

Tilmeldingin er bindandi – sig frá, um tú ikki hevur tørv á plássinum

Tilmeldingin til dagstovnapláss í frítíðartíð er bindandi. Er títt barn meldað til, men hevur ikki tørv á plássinum kortini, skalt tú skjótast gjørligt venda tær til frítíðarskúlaleiðaran hjá barninum.

Er samanlagda virksemið byrjað, skalt tú venda tær til leiðaran á frítíðarskúlanum, har samanlagda virksemið fer fram. Navn og telefonnummar hevur tú fingið frá leiðaranum á frítíðarskúlanum hjá tínum barni.

Bráðfeingis tørvur á plássi

Hevur tú bráðfeingis tørv á plássi, eftir at tilmeldingarfreistin er farin, skalt tú senda eina skrivliga umsókn um pláss í samanlagda virkseminum til torshavn@torshavn.fo. Minst til at skriva »Bráðfeingis tørvur / Barna- og ungdómsdeildin« í evnisteigin.

Í umsóknini skalt tú greiða frá, hvør bráðfeingisstøðan er og grundgeva fyri tín brádliga íkomna tørv á plássi. Tórshavnar kommuna svarar tær aftur skrivliga.

Soleiðis er samanlagda virksemið skipað
Samanlagda virksemið í 2021

Frítíðarskúlarnir hava samanlagt virksemi hesi tíðarskeið í 2021:

  • Páskafrítíð 29. – 31. mars 2021
  • Summarfrítíð 21. juni – 2. juli 2021
  • Heystfrítíð 11. – 15. oktober 2021

Tá tað stundar til, at samanlagda virksemið skal byrja, kunnar frítíðarskúlaleiðarin teg um, hvat tú skalt hava í huga, tá títt barn byrjar í samanlagda virkseminum. Tú fært millum annað at vita, hvørji starvsfólk frá frítíðarskúlanum verða til staðar í samanlagda virkseminum.

Dagligu upplatingartíðirnar í samanlagda virkseminum

Samanlagda virksemið er opið frá 7.45 - 17.

Freistir at søkja um stovnspláss í frítíðartíðini

Freistirnar at melda til samanlagt virksemi í 2021 eru: 

  • Páskafrítíð 14. mars 2021
  • Summarfrítíð 4. juni 2021
  • Heystfrítíð 14. september 2021

Tú finnur eisini freistirnar á heimasíðuni hjá frítíðarskúlanum, títt barn vanliga gongur í.

Ein mánaða fyri tilmeldingarfreistina festa allir dagstovnar í kommununi eitt uppslag um tilmelding og freist á kunningarveggin í dagstovninum. Hetta er fyri at minna foreldur á tilmeldingina.

Gev gætur, at tað er tín egna ábyrgd sum foreldur at melda barnið til samanlagda virksemið rættstundis.

Finn frítíðarskúla

Hvussu síggi eg, hvør stovnur er opin í frítíðartíðini?

Hevur tú meldað títt barn til samanlagt virksemi, kunna vit teg um, hvør frítíðarskúli er opin, tá tilmeldingarfreistin er farin. Hesa kunning fært tú frá leiðaranum á frítíðarskúlanum hjá tínum barni.

Hvussu leingi er tilmeldingin opin?

Tilmeldingin er opin í minsta lagi fýra vikur. Eftir tilmeldingarfreistina letur tilmeldingin aftur, og stovnsleiðarar fáa tá stundir til at fyrireika starvsfólk og virksemi, áðrenn samanlagda virksemið letur upp.

Nær fái eg kunning um samanlagda virksemið, sum mítt barn er meldað til?

Tá tað stundar til samanlagda virksemið, fært tú nærri upplýsingar um, hvat tú skalt hava í huga. Tú fært millum annað at vita, hvørji starvsfólk frá frítíðarskúlanum verða til staðar í samanlagda virkseminum.

Kunningina fært tú frá leiðaranum á frítíðarskúlanum hjá tínum barni.

Barna- og ungdómsdeildin
Barna- og ungdómsdeildin

Niels Finsens gøta 31, 100 Tórshavn

Les um Barna- og ungdómsdeildina

torshavn@torshavn.fo

Tel. 30 20 10

Upplatingartíðir
Mánadag - hósdag 9 - 16
Fríggjadag 9 - 15