Ítriv til børn og ung

Ert tú millum 13 og 18 ár, kunnu ungdómshúsini í Tórshavnar kommunu vera nakað fyri teg. Her finnur tú ein felagsskap fyri ung í Føroyum og kanst fáa samband við onnur ung. Ungdómshúsini í Tórshavn hava nógvar hentleikar og eitt fjøltáttað virksemi, sum kann gera tína frítíð stuttliga og innihaldsríka.

Les meira um ungdómshúsini her:

Ungdómshús

Hevur tú áhuga fyri tónleiki, bjóðar Tórshavnar Musikkskúli tónleikaundirvísing til øll børn og ung í aldrinum 0–25 ár. Musikkskúlin bjóðar frálæru í øllum vanligum ljóðførum og í sangi.

Les meira á heimasíðuni hjá Tórshavnar Musikkskúla.

Tórshavnar Musikkskúli (tm.fo)

Dámar tær væl at telva, ella hevur tú hug at læra tað, eru tvey talvfeløg í kommununi, sum tú kanst gerast limur í: Havnar Telvingarfelag og Kollafjarðar Talvfelag. Harafturat kanst tú læra teg at telva á kvøldskúlanum, sum hevur skeið í telving til børn í 1. – 7. flokki. Tú kanst kunna teg nærri á heimasíðuni hjá Kvøldskúlanum.

Tú finnur talvfeløgini í felagsskránni niðanfyri.

Felagsskráin

Kvøldskúlin (kvoldskulin.fo)

Á Tórshavnar Kvøldskúla finnur tú nógv fjølbroytt tilboð til børn og ung. Tú kanst til dømis læra at tekna, ganga á sjónleikarskúla, telva og mangt annað. 

Kunna teg um tilboðini á heimasíðuni hjá kvøldskúlanum.

Kvøldskúlin (kvoldskulin.fo)

Vilt tú læra at binda knútar, brenna bál, samstarva, gera mat uttandura og gerast partur av einum felagsskapi, kanst tú tekna teg sum lim í einum av skótaliðunum í kommununi. Tú finnur upplýsingar um skótaliðini í Felagsskránni hjá kommununi niðanfyri. Í Felagsskránni finnur tú eisini mong onnur feløg við stuttligum og spennandi virksemi.

Felagsskráin

Dámar tær væl at dansa og gera koreografi, bjóðar Føroya Fólkaháskúli í Havn dansiskeið fyri børn og ung í ymiskum aldrum.

Føroya Fólkaháskúli

Dámar tær væl at spæla sjónleik, ella vilt tú læra tað, kanst tú melda teg til skeiðini á Dramaverkstaðnum. Skeiðini eru gjørd til ymiskar aldursbólkar. Tú kanst kunna teg nærri á heimasíðuni hjá Dramaverkstaðnum. Tórshavnar Kvøldskúli hevur somuleiðis sjónleikaraskúlar fyri børn og ung heilt niður í 1. flokk.

Dramaverkstaðið (dramaverk.fo)

Kvøldskúlin (kvoldskulin.fo)

Vilt tú læra at dansa føroyskan dans og kvøða, skipa Dansifelagið í Havn og dansifelagið Tøkum lætt fyri barnadansi. Barnadansurin hjá Dansifelagnum í Havn er í Norðurlandahúsinum, meðan dansifelagið Tøkum lætt hevur barnadans í Skansastovu. Tú finnur sambandsupplýsingarnar hjá dansifeløgunum í felagsskránni.

Felagsskráin

Í Tórshavnar kommunu finnur tú mong smá og góð spælipláss. Tú kanst finna spælipláss við klintriveggum, skatebreytum, trampolinum, reiggjum og mongum øðrum. Far á kanningarferð á okkara ymisku spæliplássum.

Les meira um spælipláss her:

Spælipláss

Á Býarbókasavninum, Landsbókasavninum, Kollafjarðar bókasavni og bókasavninum í Nólsoy finnur tú barnabókasøvn, har tú kanst leita tær vitan og upplivingar. Barnabókasøvnini hava bøkur til børn í øllum aldrum. Tú kanst lesa, klippa og klistra og spæla spøl. Á Býarbókasavninum er spælistova, og her finnur tú eisini eitt leikasavn til tín at læna leikur heim við. Tú kanst eisini fara til tiltøkini, sum eru á barnabókasøvnunum.

Les meira á síðunum hjá bókasøvnunum niðanfyri.

Býarbókasavnið (bbs.fo)

Kollafjarðar bókasavn (bbs.fo)

Nólsoyar bókasavn (bbs.fo)

Landsbókasavnið (landsbokasavnid.fo)

Ein stórur partur av mentanarliga virkseminum í kommununi gongur fyri seg í teimum mongu feløgunum í kommununi. Ikki øll feløg eru líka sjónlig, og tí hava vit savnað feløgini í eina skrá, sum vit rópa Felagsskránna. Her finnur tú alt frá svimjing, dansi, fimleiki og seyming til skíðing, skótalív, judo og mangt annað.

Tú kanst leita eftir navni á felagnum, slag av ítrivi ella øki, til dømis Argir ella Kirkjubø. Her sært tú millum annað, hvussu tú setur teg í samband við eitt felag.

Leita í skránni her:

Felagsskráin

Dámar tær væl at klintra, so kanst tú royna teg í klintrihøllini í Bakkalao á Vestaru Bryggju. Høllin hevur avbjóðandi veggir, útgerð og hjálparar, so tú kanst læra teg at klintra undir tryggum umstøðum.

Fyri at klintra skalt tú gerast limur í Havnar Klintrifelag. Tú finnur sambandsupplýsingarnar hjá Havnar Klintrifelag í Felagsskránni niðanfyri.

Felagsskráin

Elskar tú at gera kynstur á súkklu, rulluskoytum, rennihjóli ella rennifjøl, kanst tú vitja Bakkalao Skatepark ella Tórshavn Skatepark á Frælsinum. Her kanst tú hoppa ella snurra saman við øðrum ungum á rampum og upp um bungurnar.

Bakkalao Skatehøllin

Skatehøllin í Bacalao er ein innandura akbreyt serliga gjørd til skateboarding, rulliskoyting, bmx-súkkling og rennihjól. Skatehøllin verður rikin av sjálvbodnum og er opin næstan hvønn dag í vikuni, tá tað liggur fyri hjá ábyrgdarfólkunum. 

Útgerð og hentleikar

Allar rampur og útgerðin í høllini er bygt av serkønum innan skate-økið, og tað vil siga, at skatehøllin livir upp til altjóða standardar fyri skatehøllir. Øll elementir og allar rampur eru bygd saman við trægólvið líkasum ein skatebowl.

Av rampum og øðrum hentleikum í høllini er: 

• Quarterpipes (hálvrampur) á 80 cm, 100 cm, 135 cm og 160 cm
• Funbox við tveimum rails (handlistum), ið kunnu stillast í hæddini og takast heilt burtur, og einari legde (breiður handlisti) við kantum
• Roll-in-bank (fløt rampa) á 150 cm
• Allar rampur hava grind-coping (stálrør) omaná

Av leysum elementum, sum kunnu flytast, eru hesi:

• Grindbox (glíðiboks), sum er 40 cm høg og 5 metrar long
• Grindbox, sum er 25 cm høg og 1,5 metrar long
• Kicker (útlops-rampa), sum er 80 cm høg
• Kicker, sum er 40 cm høg

Treytir fyri nýtslu og atgongd

Fyri at skeyta í Bakkalao Skatepark, skalt tú tekna teg sum lim í Skatefelagnum. Tó eru serstakir dagar, har børn við foreldrum hava fría atgongd. Fylg við á Facebooksíðuni hjá Skatefelagnum, har serstøku dagarnir verða kunngjørdir.

Gev gætur, at alt uppihald og íðkan í skatehøllini gongur fyri seg undir egnari ábyrgd.

Øll, sum brúka skatehøllina, verða harafturat eggjað til at vera fevnandi, umhugsin, ansa eftir hvørjum øðrum og at hjálpa teimum, sum eru nýggj.

Leiðbeiningar um atburð og reglur fyri nýtslu eru at finna í høllini. Til dømis skulu øll, ið eru undir 16 ár, brúka hjálm.

Bakkalao Skatepark á Facebook

Skatefelagið á Facebook 

Tú kanst svimja fleiristaðni í kommununi. Vit hava svimjihallir í Gundadali, Kollafirði, Hesti og í fleiri skúlum. Tú kanst svimja sjálv, í svimjifelag ella í skúlanum.

Les meira um svimjihallirnar her:

Svimjihallir – upplatingartíðir og kunning

Í Tórshavnar kommunu eru nógvar góðar skreiðibrekkur. Um veturin kanst tú eisini skoyta á skoytubreytini í miðbýnum í Havn, ella tú kanst fara við familjuni at skoyta á tjørnunum í kommununi, tá ísurin er nóg tjúkkur.

Tórshavnar kommuna er á tremur við bæði stórum og smáum fótbóltsvøllum. Flestu grannaløg hava ein fótbóltsvøll ella ein FIFA-vøll nærindis. So tú hevur góðan kjans fyri at finna ein vøll og kanska eisini onkran at sparka saman við.

Les meira um ymisku fótbóltsvøllirnar her:

Uttandura ítróttaøki

Vit hava eisini fleiri góðar vøllir, har tú og tíni vinfólk kunnu spæla kurvabólt. Hevur tú hug at melda teg til eitt felag, kanst tú leita eftir kurvabólti í okkara skrá yvir ítrótta- og ítrivsfeløg í Tórshavnar kommunu.

Les meira um kurvabólt ella leita í Felagsskránni niðanfyri.

Uttandura ítróttaøki

Felagsskráin

Á Sjósavninum á Argjum kanst tú síggja livandi dýr og plantur, sum finnast í føroyskum sjógvi. Her kanst tú læra nógv um lívið í sjónum.

Føroya Sjósavn