Spælipláss
Í grannaløgunum í Tórshavnar kommunu finnur tú nógv góð spælipláss til fleiri aldursbólkar. Leita á kortinum niðanfyri. Spæliplássini hava reytt frámerki.
Niðanfyri kanst tú eisini lesa um summi av spæliplássinum.
Spælipláss í Tórshavnar kommunu
Spæliplássið liggur mitt í Tórshavn millum Tilhaldið í Tórsgøtu og Móttøkuhúsið í Tróndargøtu. Tú sleppur fram at spæliplássinum bæði úr Niels Winthers gøtu, Tórsgøtu og úr Kongagøtu. Spæliplássið hevur portur út móti Niels Winthers gøtu og Tórsgøtu, soleiðis at smáu børnini ikki enda úti í ferðsluni.
Her eru trampolinir, eiturkoppatorn, nógv javnvágsamboð, klintriveggur og sandøki við spælihúsi og skreiðibana. Her er góð lívd, og ein stórur partur av spæliplássinum er klæddur við gummiundirlag, soleiðis at børn ikki fáa skaða, tá tey grulva, hoppa ella koppa.
UM SPÆLIPLÁSSIÐ
Hvør:
- Serliga børn í aldrinum 2–7 ár, men verður eisini brúkt av eldri børnum
Hvar:
- Tórsgøta 21, 100 Tórshavn
Spæliplássið hevur grúsundirlag, og her er bóltvøllur, rennistrongur og klintriveggur. Her er friðarligt og lívd. Nærøkið er dalur við grasaðum og gróðursettum, skráum hagalendi og lendisgøtu oman móti Hoyvíkar Skúla.
UM SPÆLIPLÁSSIÐ
Hvør:
- Serliga børn í aldrinum 4–14 ár
Hvar:
- Maritugøta, 188 Hoyvík
Hetta spæliplássið hevur klintritorn, skreiðibani og grúsundirlag. Her er eisini friðarligt og lívd. Skamt frá spæliplássinum, í Torkilsgøtu, er eisini FIFA-vøllur.
UM SPÆLIPLÁSSIÐ
Hvør:
- Serliga børn í aldrinum 2–5 ár
Hvar:
- Jørundargøta, 188 Hoyvík
Her er bóltvøllur, klintritorn við skreiðibreyt, reiggjur og danditrø. Undirlagið er grús, og her er friðarligt, men eitt sindur ábært.
UM SPÆLIPLÁSSIÐ
Hvør:
- Serliga børn í aldrinum 4–14 ár
Hvar:
- Ísaksgøta, 188 Hoyvík
Hetta er eitt vakurt og friðarligt spælipláss við góðari lívd. Her er bóltvøllur, trampolin og nógvur spennandi vøkstur.
UM SPÆLIPLÁSSIÐ
Hvør:
- Serliga børn í aldrinum 4–14 ár
Hvar:
- Marinargøta, 188 Hoyvík
Spæliplássið er í trimum pørtum við rennifjalabreyt, grasvølli og kurvabóltsvølli. Rennifjalabreytin er asfalterað og hevur rampu og bungur, sum rigga væl til rennifjøl, súkklur, rennihjól og rulluskoytir. Rennifjalabreytin verður eisini brúkt til parkour viðhvørt.
Í eystara enda er asfalteraður kurvabóltsvøllur, og við spæliplássið finnur tú eisini ein stóran grasvøll.
UM SPÆLIPLÁSSIÐ
Hvør:
- Børn og ung 5–25 ár
Hvar:
- Á Frælsinum 20, 100 Tórshavn