Mentanarstuðul

Endamálið við mentanarstuðlinum er at stuðla verkætlanum, tiltøkum og átøkum, sum ríka og menna mentanarlívið í kommununi.

Tórshavnar kommuna kann lata Mentanarstuðulin til verkætlanir, tiltøk og átøk, ið fevna um mentanarligt virksemi. Hetta kann til dømis vera framsýningar, framførslur, konsertir og bóka- og fløguútgávur.

Vit kunnu eisini lata stuðul til fyriskipan av ráðstevnum, seminarum og tílíkum um mentan og list. Vit kunnu eisini lata stuðul til frítíðarvirksemi sum ítrótt og skótar.

Kommunan letur ikki stuðul til verkætlanir, sum eru lidnar, ella tiltøk og átøk, sum hava verið.

Gev gætur, at vit heldur ikki lata stuðul til uttanlandsferðir. Listafólk, sum fara uttanlands fyri at sýna fram ella framføra kunnu søkja stuðul frá Loftbrúnni til ferðaseðlar á flognetinum hjá Atlantic Airways.

Les meira á síðu okkara um Loftbrúnna.

Loftbrúgvin

Hevur tú Samleikan, skalt tú søkja um Mentanarstuðul á Vanganum. Tað er ein fyrimunur at søkja á Vanganum, tí samskiftið á Vanganum er bæði skjótari og tryggari. Á tínari vangasíðu hevur tú harafturat møguleika fyri at fylgja við í viðgerðargongdini.

SØK UM MENTANARSTUÐUL Á VANGANUM

Hevur tú ikki skrásett tær Samleikan, ið krevst fyri at søkja á Vanganum, kanst tú bíleggja tær hann á heimasíðuni hjá Samleikanum.

Fært tú av onkrari orsøk ikki nýtt Vangan, kanst tú fylla út umsóknarskjalið niðanfyri og senda tað til torshavn@torshavn.fo ella lata skjalið inn á Snarskivuni á Vaglinum 11 í Tórshavn. Sendir tú umsóknarskjalið inn sum teldubræv, skalt tú minnast til at viðmerkja »Umsókn um mentanarstuðul« í evnisteigin.

Kunna teg nærri um mannagongdina í leiðreglunum niðanfyri.

Fá Samleikan (samleikin.fo)

Søk um mentanarstuðul

Leiðreglur fyri mentanarstuðul

Umsóknin skal sendast inn í góðari tíð og vera kommununi í hendi seinasta lagi seks vikur, áðrenn tiltakið verður. Tú kanst finna leiðreglur um stuðulin undir teiginum "Leinki" á hesi síðuni.

Umsóknir á sumri skulu latast inn í góðari tíð.

Gevið gætur, at Mentamálanevndin, sum viðger umsóknirnar um mentanarstuðul, hevur vanliga ein fund um mánaðin. Á sumri er steðgur í juni, juli og august. Tí skulu umsóknir til verkætlanir og tiltøk á sumri sendast inn í serliga góðari tíð.

Mentamálanevndin viðger umsóknirnar um mentanarstuðul. Í nevndini sita Gunnvør Balle, forkvinna (E), Jákup Dam (E), Marin Katrina Frýdal (E), Heðin Mortensen (C) og Halla Samuelsen (C).  

Hevur tú spurningar um mentanarstuðul, kanst tú venda tær til Ingibjørg O. Petersen, fulltrúa, ella Sigurð Ó. Vang, mentamálaleiðara. Tú kanst ringja á tel. 30 20 10.

Stuðulin til íløgur er stuðul, sum Mentamálanevndin letur til íløgur í bygging, sum ítróttafeløg og frítíðarfelagsskapir standa fyri.

Tú kanst søkja um stuðul til nýbygging, útbygging og umbygging av felagshølum og anleggum til ítrótt og annað frítíðarvirksemi. Tú kanst eisini søkja um stuðul til útgerð.

Kommunan veitir ikki stuðul til vanligt viðlíkahald og letur heldur ikki stuðul til bygging, sum er byrjað ella liðug.

Hevur tú Samleikan, skalt tú søkja um stuðul til íløgur frá mentamálanevndini á Vanganum.

SØK UM stuðul til íløgur frá mentamálanevndini Á VANGANUM

Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum.

Fært tú av onkrari orsøk ikki nýtt Vangan, kanst tú fylla út umsókn á heimasíðuni og senda hana til torshavn@torshavn.fo ella lata hana inn á Snarskivuni, á Vaglinum 11, í Tórshavn. Sendir tú umsóknina inn sum teldubræv, skalt tú minnast til at viðmerkja "Umsókn um stuðul til íløgur frá mentamálanevndini" í evnisteigin.

Tað er ein fyrimunur at søkja á Vanganum, tí samskiftið á Vanganum er bæði skjótari og tryggari. Á tínari vangasíðu hevur tú harafturat møguleika fyri at fylgja við í viðgerðargongdini.

Heimasíðan hjá Samleikanum (samleikin.fo)

Søk um stuðul til íløgur frá mentamálanevndini

Tú skalt fylla sama umsóknarblað út sum til mentanarstuðulin. Aftur at umsóknini, skalt tú leggja hesi skjøl við:

• Kostnaðarmeting við fíggingarætlanina
• Tíðarætlan fyri byggingina
• Lýsing av byggiætlanini

Les meira um treytirnar niðanfyri.

Leiðreglur fyri stuðul til íløgur

Trivnaðarstjórin og mentamálaleiðarin gera tilmæli til Mentamálanevndina, sum tekur avgerð við støði í reglugerðini fyri stuðul til íløgur. Í nevndini sita Gunvør Balle, forkvinna (E), Jákup Dam (E), Marin Katrina Frýdal (E), Heðin Mortensens (C) og Halla Samuelsen (C).

Reglugerðina finnur tú niðanfyri.

Leiðreglur fyri stuðul til íløgur

Les meira um treytirnar í reglugerðini niðanfyri.

Leiðreglur fyri stuðul til íløgur

Stuðulin er til tín, sum søkir tær útbúgving í handarbeiði.

Endamálið við stuðlinum er at menna og lívga føroyskt handarbeiði og føroyska handarbeiðsmentan umframt at veita fólki, sum fáa sær handarbeiðsútbúgving í tóvirki (tekstil), fíggjarligan stuðul.

Tórshavnar kommuna stovnaði minnisgrunnin á hundrað ára føðingardegi Sonnu av Skarði 19. apríl 1976.

Á hvørjum ári kunnu 20.000 krónur latast í stuðli.

Vit hava einki umsóknarblað til stuðulin. Tú skalt sjálv skriva eina umsókn við viðkomandi upplýsingum um:

• Teg sjálva
• Tína útbúgving higartil
• Tínar framtíðarætlanir í tóvirkisútbúgving
• Verkætlanina ella útbúgvingina, sum tú søkir stuðul til
• Tíðar- og kostnaðarætlan

Umsóknin skal merkjast "Minnisgrunnur Sonnu av Skarði" og sendast til Tórshavnar kommunu. Tú kanst senda okkum umsóknina við posti til:

Tórshavnar kommuna

Postsmoga 32
110 Tórshavn

Tú kanst eisini senda okkum umsóknina umvegis teldupost til torshavn@torshavn.fo. Minst til at skriva "Minnisgrunnur Sonnu av Skarði" í evnisteigin.

Kommunan letur stuðulin eina ferð um árið á vári ella á sumri. Vit lýsa í dagbløðum og á heimasíðu okkara, tá vit hava opið fyri umsóknum. Vanliga er umsóknarfreistin í mai ella juni.

Fáa vit umsóknir inn, sum lúka krøvini, hevur nevndin í grunninum fund og lutar síðan stuðulin út.

Í nevndini sita tríggir limir, sum býráðið tilnevnir. Borgarstjórin er føddur limur í nevndini. Hinir tveir limirnir verða valdir at sita fýra ár í senn. Miðað verður eftir, at teir hava áhuga og skil fyri handarbeiði. Tað er ikki krav, at nevndarlimirnir eru býráðslimir.

Í núverandi nevndini Annika Olsen, borgarstjóri og forkvinna, Beinta Poulsen og Helena Dam á Neystabø.

Stjórnarskrivstovan og Mentamáladeildin í Tórshavnar kommunu umsita grunnin.

Sanglegatið er ein grunnur til minnis um Sonnu Dahl Waagstein. Grunnurin letur stuðul til sangarar, sum hava víst serstakar gávur og sum ætla at útbúgva seg víðari í solosangi. Tórshavnar kommuna umsitur grunnin.

Stuðulsupphæddin er 20.000 kr. um árið, sum verður lutað út, um vit fáa úmsóknir, sum lúka krøvini.

Vit hava einki umsóknarblað til stuðulin. Tú skalt sjálv skriva eina umsókn við viðkomandi upplýsingum um:

• Teg sjálva
• Tína útbúgving higartil
• Tínar framtíðarætlanir í tóvirkisútbúgving
• Skeiðið ella útbúgvingina, sum tú søkir stuðul til
• Tíðar- og kostnaðarætlan

Umsóknin skal merkjast "Sanglegatið til minnis um Sonnu Dahl Waagstein" og sendast til Tórshavnar kommunu. Tú kanst senda okkum umsóknina við posti til:

TÓRSHAVNAR KOMMUNA

Postsmoga 32

110 Tórshavn

Tú kanst eisini senda okkum umsóknina umvegis teldupost til torshavn@torshavn.fo. Minst til at skriva "Minnisgrunnur Sonnu av Skarði" í evnisteigin.

Tórshavnar kommuna letur stuðulin eina ferð um árið á vári ella á sumri. Vit lýsa í dagbløðum og á heimasíðuni hjá Tórshavnar kommunu, tá vit byrja at taka ímóti umsóknum. Umsóknarfreistin er vanliga í mai ella juni.

Kommunan umsitur grunnin og ásetur eina upphædd til stuðul á hvørjum ári.

Móttaka vit umsóknir, sum lúka krøvini, hevur nevndin í grunninum fund og lutar stuðulin út.

Sambært viðtøkunum fyri grunnin eru tríggir limir í nevndini. Hesir eru borgarstjórin, dómprósturin og ein úr ættini hjá stovnaranum Jógvan Waagstein. Í núverandi nevndini sita: Annika Olsen, borgarstjóri og forkvinna, Uni Næs, dómpróstur og nevndarlimur og Sanna Waagstein í Brekkunum, nevndarlimur.

Umsitingin av grunninum er á Stjórnarskrivstovuni og Mentamáladeildini í Tórshavnar kommunu.

Grunnurin hevur sum endamál at veita fíggjarligan styrk til tiltøk innan mentan, undirvísing og ítrótt, sum kunnu fremja og menna samstarvið millum Reykjavíkar, Tórshavnar og Nuuk kommunu og millum borgararnar í teimum trimum kommununum.

Býarstýrini í Nuuk, Reykjavík og Tórshavn seta pening í grunnin árliga.

Bæði einstaklingar og feløg, ið halda seg lúka treytirnar fyri stuðli, kunnu søkja stuðul úr grunninum. Tú finnur treytirnar í umsóknarblaðnum.

Umsóknir, ið fevna um allar trýggjar býirnar hava fyrimun.

Tú skalt fylla út umsóknarblaðið niðanfyri og senda tað til Tórshavnar kommunu. Tú kanst senda okkum umsóknina við posti til:

TÓRSHAVNAR KOMMUNA

Postsmoga 32
110 Tórshavn
torshavn@torshavn.fo
                                                                       

Tú kanst eisini senda okkum umsóknina sum teldupost. Minst til at skriva »Umsókn um stuðul úr Felagsgrunninum Nuuk, Reykjavík og Tórshavn« í evnisteigin.

Gev gætur, at tað er týdningarmikið, at tú nýtir umsóknarblaðið í sambandi við umsóknina, og at tú svarar so gjølla sum gjørligt.

Søk um stuðul úr Felagsgrunninum

Umsóknarfreistin fyri 2021 er hósdagin 1. apríl. Allir tríggir høvuðsstaðir hava somu umsóknarfreist, sum teir áseta eftir avtalu sínámillum.

Grunnurin letur stuðulin eina ferð um árið á vári ella á sumri.

Tú kanst fáa meira at vita um grunnin við at ringja til Stjórnarskrivstovuna á tel. 30 20 10.

Stýrið fyri felagsgrunnin tekur avgerð um tillutan av stuðli. Stjórnin hevur nýggju limir; hvør kommuna hevur borgarstjóra og tveir býráðslimir í stýrinum. Tær tríggjar kommunurnar hava eina atkvøðu í part, tá ið avgerðir skulu takast.

Ert tú rithøvundur, dansari, sjónleikari ella fæst tú við aðrar listagreinar, og skipar tú fyri einari verkætlan ella tiltaki uttan fyri Føroyar, kanst tú søkja Loftbrúnna um ferðastuðul í sambandi við verkætlanina ella tiltakið. Loftbrúgvin til listafólk kann stuðla føroyskum listafólkum við flutningi til útlond og aftur umvegis loftvegin.

Loftbrúgvin er eitt samstarv millum Norðurlandahúsið í Føroyum, Atlantic Airways, Uttanríkis- og Mentamálaráðið og Tórshavnar kommunu.

Tórshavnar kommuna umsitur stuðulsskipanina.      

Øll listafólk í Føroyum kunnu søkja.

Tú skalt útfylla umsóknarblaðið á heimasíðuni hjá Loftbrúnni niðanfyri.

Loftbrúgvin (loftbrugv.fo)

Umsóknir um stuðul skulu vera okkum í hendi áðrenn tann fyrsta í hvørjum mánaði.

Treytirnar fyri stuðul finnur tú í viðtøkunum hjá Loftbrúnni á heimasíðuni niðanfyri.

Viðtøkur fyri Loftbrúgv til listafólk (loftbrugv.fo)

Loftbrúgvin til listafólk veitir ikki stuðul til:

• Ferðir til fundir
• Luttøku á ráðstevnum
• Upptøkur og ferðir, sum ikki fevna um framførslur av livandi tónleiki, bókmentum, sjónleiki, filmi og tílíkum

Kunna teg nærri um aðrar avmarkingar í viðtøkunum hjá Loftbrúnni niðanfyri.

Viðtøkur fyri Loftbrúgv til listafólk (loftbrugv.fo)

Stuðulsnevndin er mannað av einum umboði fyri hvønn samstarvspart. Í núverandi stuðulsnevnd sita: Ingrid Bjarnastein úr Atlantic Airways, Fróði Vestergaard úr Norðurlandahúsinum í Føroyum, Alda Joensen úr Uttanríkis- og Mentamálaráðnum og Ingibjørg Odmarsdóttir Petersen úr Tórshavnar kommunu. Olga Knudsen er skrivari.

Niðanfyri sært tú leiðreglurnar fyri at veita mentanarstuðul, stuðul til íløgur og árligan rakstrarstuðul  í Tórshavnar kommunu.

Leiðreglur fyri at veita mentanarstuðul

Leiðreglur fyri at veita stuðul til íløgur

Leiðreglur fyri at veita árligan rakstrarstuðul

Leiðregla um stuðul til fleirtjóða ítróttakappingar