Lat aftur
Tema
Kom við á Fjølmentanarviku 2022!
Kom við á Fjølmentanarviku 14.  - 21. oktober!
Kom við á Fjølmentanarviku 14. - 21. oktober!

Í oktober 2022 skipa Tórshavnar kommuna og Útlendingastovan fyri Fjølmentanarviku, ið er eitt landsfevnandi tiltak, sum hevur til endamáls at fagna fjølmentan í Føroyum.

Les alt um Fjølmentanarvikuna her.

Leita tær íblástur úr Hugskotskjáttuni
Leita tær íblástur úr Hugskotskjáttuni

Vit hava gjørt eina hugskotskjáttu, ið kann nýtast sum íblástur til at skipa fyri virksemi á Fjølmentanarvikuni.

Leita í hugskotskjáttuni her:

Hugskotskjátta Fjølmentanarvika 2022
LES HUGSKOTSKJÁTTUNA

Her kanst tú leita tær íblástur, um tú vilt skipa fyri tiltaki á fjølmentanarvikuni:

Hugskotskjátta Fjølmentarvika 2022

Lurta

Kom við á Fjølmentanarviku 2022!

Tórshavnar kommuna og Útlendingastovan samstarva í ár um eitt landsfevnandi átak við heitinum Fjølmentanarvikan. Endamálið við Fjølmentanarvikuni er at varpa ljós á og fagna mentanarliga margfeldið í føroyska samfelagnum.

Í Føroyum búgva fólk úr 111 ymiskum londum, og vónin er, at kommunur, frítíðarfelagsskapir, skúlar, áhugafeløg, fyritøkur og einstaklingar luttaka og skipa fyri tiltøkum í døgunum 14.-21. oktober, tá fjølmentanarvikan er. Vit kunnu fagna mentanarliga margfeldið á ymiskan hátt, til dømis við matfagnaði, tónleiki, list, ítrótti, kunning, søgum og upplivingum. Ætlanin er, at fjølmentanarvikan verður eitt afturvendandi átak, sum allar kommunur gerast partur av eftir førimuni.

Niðanfyri kanst tú lesa um vikuna, hvussu tú luttekur, og tú kanst leita tær íblástur úr hugskotskjáttuni, sum er framleidd til høvið. So hvørt sum tiltøk koma á skrá, verður skráin dagførd her á síðuni. Eisini síggja vit, hvat er á skrá í øðrum kommunum.

Fjølmentanarvikan tekur ikki evnið upp politiskt, men er ein fagnaður til frama fyri allar tær ymisku mentanir, ið eru í Føroyum.

Hvussu luttaki eg?

Fjømentanarvikan er fyri øll. Tú kanst luttaka við at gera títt egna tiltak ella átak hesa vikuna. Tú kanst eisini luttaka saman við vinum, familju, starvsfelagum og øðrum, sum hava hug til at uppliva nakað nýtt, forkunnugt ella bara eitt sindur øðrvísi. Eisini kann tín skúli ella títt arbeiðspláss leggja eitt tiltak til rættis hesa vikuna. Tín kommuna er eisini boðin at luttaka og verður møguliga karmur um okkurt tiltak á Fjølmentanarvikuni.

Fleiri tiltøk eru longu løgd til rættis, til dømis setanin, endaveitslan, fjølmentanarstevna og konsertir. Les meira um skránna niðanfyri. Gev gætur, at skráin verður dagførd leypandi, so fylgið við á hesari síðuni.

Leggur tú eitt tiltak til rættis, ella ert tú við til at leggja eitt tiltak til rættis, so send okkum endiliga kunning um innihaldið, tíð og stað. Er tiltakið alment, kemur tað við í yvirskipaðu skránna fyri Fjølmentanarvikuna. Er tiltakið ikki alment, so vilja vit kortini fegin hoyra frá tykkum. Tú boðar frá tínum tiltakið við at trýsta á grøna knøttin niðanfyri, fylla teigarnar út og trýsta á send, so kanna vit upplýsingarnar, áðrenn tiltakið kemur við í skránna.

SKRÁSET TILTAK TIL FJØLMENTANARVIKUNA

Vit hava eisini framleitt eina hugskotskjáttu, sum allir fyriskiparar og luttakarar á Fjølmentanarvikuni kunnu brúka til íblástur. Les meira um hugskotskjáttuna niðanfyri á hesari síðuni.

Skráin fyri Fjølmentanarvikuna

Fjølmentanarvikan verður sett leygardagin 14. oktober 2022 kl 15.00 í Norðurlandahúsinum og heldur fram í viku 42 beint eftir heystferiuna. Vikan endar við einum felagstiltaki í Havn tann 21. oktober. Meira kunning verður um felagstiltakið seinni.

Niðanfyri sært tú felagsskránna við tiltøkum. Tiltøk verða leypandi løgd afturat skránni fram til fyrst í oktober.

Skrá 2022
Fríggjadagur 14. oktober

KL 15.00

Almen Setan. Norðurlandahúsið. Tónleikur, dansiframførsla, røður og ábit.

Opening ceremony. Music, dance performance, speeches and snacks

Leygardagin 15. oktober

Kl 12.00-16.00

Familjutiltak. Perlan og Reinsaríið. Verkstovur: origami, andlitsmáling og ein róðrartúr við Knørraflagnum. Tiltakið er ókeypis. Møguleiki fyri at keypa sær ein bita.

Family event. Perlan og Reinsaríið. Tórsgøta 3. Workshops: Origami, facepaint or try to go rowing with a typical Faroese boat. You can buy food and beverages.

Kl 20.00-02-00

Dance night. Perlan. Dansur og tónleikur frá altjóða tónleikapallinum. Set ferð á Fjølmentanarvikuna við stuttleika og góðum rútmum. Ókeypis atgongd.

Dance night. Perlan. Dance and music from around the world. Start                  Multicultural week with rhythm and fun. Free entrance.

Sunnudagin 16. oktober
Mánadagin 17. oktober

Kl 16.00-21.00     Fjølmentanarstevna. Reinsaríið. Cultural Expo. Reinsaríið. Tórsgta 3

Týsdagin 18. oktober

Kl 16.00-21.00     Fjølmentanarstevna. Reinsaríið. Cultural Expo. Reinsaríið. Tórsgta 3

Mikudagin 19. oktober

Kl 16.00-21.00     Fjølmentanarstevna. Reinsaríið. Cultural Expo. Reinsaríið. Tórsgta 3

kl 19.30

Ebo Krdum: Diversity (SE/SD) Norðurlandahúsið. Afrikanskt blues og afrobeat og norðurlendskur fólkatónleikur renna saman í eina hægri eind. Ein koncert um líkarætt, margfeldi og frælsi. Ebo Krdum vann eina svenska Grammy fyri útgávuna Diversity, og er í ár í uppskoti til tónlistavirðisløn norðurlandaráðsins. Les meira um koncertina og keyp        atgongumerki her: NLH

Ebo Krdum: Diversity (SE/SD) The Nordic House. African blues, afrobeat and nordic folk music. A concert about equality, diversity and freedom. Ebo Krdum won the Swedish Grammy for his edition Diversity. And this year he is nominated for the music award of the Nordic council. Purchase your ticket here: NLH

Hósdagin 20. oktober

Kl 16.00-21.00 Fjølmentanarstevna. Reinsaríið. Cultural Expo. Reinsaríið. Tórsgta 3

Fríggjadagur 21. oktober

Kl 16.00

Dansitiltak: Uttandura zumba og Jerusaleema. Vágsbotn

Danceevent: Outdore zumba and jerusaleema. Vágsbotn

KL 17.00-19.00

Matur og drekka. Vágsbotn.

Foodtrucks. Vágsbotn.

Kl 19.00

Altjóða guðstænasta. Havnar Kirkja

International service. Havnar Kirkja.

Kl 20.00

Endaveitsla. Reinsaríið.

End Party. Reinsaríið.

Kl 22.00-02.00

Fjølmentanar DJ veitsla. Perlan.

Multicultural DJ party. Perlan.

Trýst á myndina

Hvat er Hugskotskjáttan?

Vit hava gjørt eina hugskotskjáttu, ið kann nýtast sum íblástur til tiltøk ella annað virksemi á Fjølmentarnarvikuni. Hugskotskjáttan er sostatt eitt savn av ymiskum virksemi, átøkum og spølum, ið kunnu nýtast í sambandi við Fjølmentanarvikuna. Endamálið við skjáttuni er, at luttakarar hava tað hugnalig og stuttligt saman, meðan grundað verður á mentanarliga fjølbroytnið í Føroyum.

Hugskotskjáttan er býtt í tveir høvuðspartar: Stovnar, arbeiðspláss og felagsskapir og Børn og ung. Í fyrra partinum eru uppskot til tiltøk og annað virksemi, sum kommunur, arbeiðspláss og felagsskapir kunnu vera karmur um. Í seinna partinum eru uppskot til spøl og annað virksemi til fleiri aldursbólkar. Í skjáttuni finnur tú til dømis ítriv, ið kunnu nýtast í skúlahøpi, barnagarðshøpi, ítróttarhøpi, almennum høpi, á arbeiðsplássum og í frítíðarfelagsskapum annars.

Hugskotskjáttan leggur upp til, at lærarar, námsfrøðingar, venjarar og onnur, ið varða av børnum og ungum, kunnu nýta hugskotini í sambandi við undirvísing, venjing og toymisvirksemi av ymiskum slag. Vaksin eru eisini vælkomin at nýta spøl ella virksemi úr hesum partinum.

Kommunurnar senda hugskotskjáttuna út til skúlar, stovnar og feløg í egnum øki og eru vælkomin at eggja námsfrøðingum, venjarum og øðrum, ið varða av børnum og ungum, til at verða partur av fjølmentanarvikuni. Hugskotskjáttan er eisini viðkomandi fyri vaksin, sum til dømis á arbeiðsplássum, innan leiðslutoymi ella fyri onnur, ið ynskja at verða partur av at fevna og menna samfelag og samanhald í Føroyum.

Hugskotskjáttuna sært tú her:

Hugskotskjátta 2022

Send uppskot til hugskotskjáttuna

Luttakarar eru vælkomnir at nýta egin hugskot. Vit taka eisini fegin ímóti ískoytum til hugskotskjáttuna.

Hevur tú eitt gott hugskot, mást tú fegin senda okkum uppskotið, so øll kunnu fáa gagn av hugskotinum. Tað er skjótt og ómakaleyst at lata inn hugskot. Trýst á grøna knøttin niðanfyri og send okkum tíni uppskot. Tá tú letur inn uppskot, ber væl til at viðfesta fílur í formatunum PDF, JPG og PNG.

SEND uppSKOT TIL SKJÁTTUNA

Góð ráð

Her eru nøkur góð ráð til tey, ið arbeiða við ungum fólkum og børnum úr tilflytarabólkum og til luttakarar á Fjølmentanarvikuni:

  • Hóast tvey fólk eru úr sama minnilutabólki, so er ikki vist, at tey hava nakað til felags ella finna út av tí saman
  • Legg dent á tey eyðkenni, tit hava í felag, og minst til, at øll ung eru einstaklingar, hvør upprunin so er
  • Ung fólk hava fleiri samleikar alt eftir umstøðum. Umframt at vera »útlendingar«, so kunnu tey eisini vera til dømis: beiggi, kvinna, tónleikari, bókormur, sangari, dansari, hondbóltspælari ella ein, ið elskar Game of Thrones. Tí er týdningarmikið ikki bara at leggja dent á ein tátt av teirra samleika – hugsa heldur um, hvat tey halda vera týdningarmikið
  • Ver varin við at brúka heitir, tí heitir kunnu kennast stigmatiserandi
Integratión
Integratión

Vaglið 1, 100 Tórshavn

Tel. 27 10 48

fial@torshavn.fo