Tíðindi

Tórshavnar býráð hevur nú samtykt, at kommunan skal fara undir samráðingar við arbeiðstakara um útstykkingina við Ervaveg á Velbastað. Tá ið samráðingarnar eru komnar uppá pláss, verður verkætlanin lýst nærri við tekningum, tíðarætlan og mettum kostnaði fyri grundstykkini. Síðan verður latið upp fyri tilmelding til lutakastið um grundstykkini í 4 vikur afturat.

Í gjár komu tveir næmingar úr 9.flokki í Skúlanum á Fløtum á gátt á Ráðhúsinum við einari verkætlan, ið teir handaðu borgarstjóranum.

Næmingarnir hildu, at Tórshavnar Kommuna eisini skuldi síggja úrslitið av verkætlanini, og komu tí á gátt og góvu borgarstjóranum eitt eintak av verkætlanini.

Skúlabólkurin inni á Gøtu var í gjár og vitjaði borgarstjóran í Tórshavnar kommunu.

Heðin Mortensen, borgarstjóri, vísti teimum býráðssalin og greiddi teimum frá, hvat eitt býráð er, og hvat eitt býráð ger.

Tórshavnar býráð hevur í dag tikið avgerð um at seta Hermann Mortensen í starvið sum trivnaðarstjóri í Tórshavnar kommunu. Hann hevur drúgvar og viðkomandi leiðsluroyndir innan trivnaðarøkið, m.a. sum trivnaðarstjóri í Almannaverkinum.

Illveðrið í dag hevði við sær, at allar bussleiðir góvust at koyra fyrrapartin. Koyringin verður tó tikin upp aftur kl. 15.30. Tó koyra hvørki leið 5 ella 6 í dag, 31. januar.

Allar leiðirnar hjá Bussleiðini gevast at koyra í dag kl. 10.30. Loyvir veðrið tí, byrjar koyringin aftur klokkan áleið 15.

Eingin ruskinnsavning er í dag vegna vánalig veðurlíkindi.

Nógvi vindurin hevur við sær, at tyrvingarplássið fyribils er stongt til klokkan 13 í dag.

Vegna veður gevast leið 5 og 6 at koyra kl. 14.30 í dag, týsdagin 30. januar.

Vegna veður koyra leið 5 og 6 ikki mikudagin 31. januar.