Tíðindi

Fjarhitafelagið fer í kvøld, mánakvøldið 14. juni, at arbeiða á vegamótinum Fríðriks Petersens gøta/Landavegur frá kl. 18 til 24.

Ferðslan verður tarnað, og allir bilførarar verða bidnir um at vísa varsemi, tá koyrt verður við vegamótið.

Brekið á vatnverkinum í Kollafirði er umvælt, og verkið koyrir nú aftur sum vanligt. Kókitilmælið stendur tó við, til vatnkervið er skolað út og vatnroyndir eru tiknar.

Hesaferð eru ikki færri enn tríggir flokkar av útlendingum, sum hava tikið prógv eftir hvør síni skipan. Og hesaferð eru ikki færri enn 48 næmingar úr 17 londum.

Vegna óvissuna, sum koronastøðan hevur við sær í løtuni, hava fyriskipararnir av Sundalagsstevnuni valt at avlýsa stevnuna. Kappróðurin verður tó framvegis, men óvist er, hvussu verður við áskoðarum til róðurin.  

Føroya Pedagogfelag hevur lýst verkfall fyri allar limir á dagstovnaøkinum frá mánadegnum 14. juni 2021.

Tað hevur við sær, at allir dagstovnar, frítíðarskúlar, frítíðartilboð og ungdómshús í Tórshavnar kommunu eru stongd og taka sostatt ikki ímóti børnum, so leingi verkfallið varir.

Tað kemur fyri, at ruskinnsavnarar verða bitnir av hundum. Kommunala Brennistøðin heitir á fólk um at hava hundar inni ella bundnar, teir dagarnar, ruskið verður tikið, soleiðis at hundurin ikki er til ampa fyri ruskinnsavnararnar.

Í sambandi við trupulleikar á vatnverkinum í Kollafirði er vandi fyri, at drekkivatnið er dálkað. Mælt verður tí til at kóka vatnið, áðrenn drukkið verður, til nærri boð verða givin.

Feløgini hava roynt vøllin og eru sera vælnøgd. Í dag var lítil samkoma, har borgarstjórin vegna kommununa handaði vøllin.

Nú verður farið undir at fyrireika ólavsøkuskránna. Hevur tú ætlanir um at skipa fyri onkrum tiltaki innan ítrótt, undirhald, mentan ella líknandi, skalt tú boða Tórshavnar kommunu frá í seinasta lagi 1. juli fyri at fáa tað við í skránna.