Lurta
Til lesiveik

Tíðindi

Tíðindi - 16. desember 2020
Talgild skúlainnskriving frá 17. desember

Innskrivingin í forskúla, frítíðarskúla og skúla verður nú talgild í Tórshavnar kommunu. Tað vil siga, at foreldur kunnu nýta talgildu bókingarskipanina BARN, tá tey skriva børnini inn í skúla í desember og januar í ár. Fyri at rita inn í skipanina skulu foreldur útvega sær innritingarskipanina MínLykil og postskipanina MínBoks.

Gongur sum ætlað, letur skipanin upp  17. desember og verður opin til og við 17. januar 2021. Vit kunna meira um tað á kommunalu heimasíðuni og á sosialu miðlunum.

Tíðindi - 16. desember 2020
Herverk í miðbýnum

Í nátt er framt herverk móti ymsum av tí, sum kommunan hevur fríðkað við í miðbýnum til jóla. Eitt nú vóru jólatrø løgd fløt á Vaglinum og allir blómupottarnir í gongugøtuni vóru koppaðir inn á koyribreytina. Slíkt herverk er bæði keðiligt og kostnaðarmikið fyri okkum øll. Løgreglan var á staðnum í morgun og kannar málið.

Tíðindi - 15. desember 2020
Tíðaravmarkað undantaksloyvi til taðing longt ein dag

Kommunan gav hin 1. desember 2020 givið Emil Petersen tíðaravmarkað undantaksloyvi at taða fram til tann 14. desember 2020 á trøð við matr. nr. 339 í Heygshaga. Undantaksloyvið er longt ein dag, og er harvið galdandi til 15. desember 2020. Undantakið er givið við heimild í kunngerð nr. 72 frá 29. mai 2012 um taðing.

Undantaksloyvið er givið við teirri treyt at allar avmarkingar í kunngerðini annars verða hildnar.

Kunngerð um taðing (logir.fo)

Tíðindi - 15. desember 2020
Mathilda Jacobsen 100 ár

Í gjár fylti Mathilda Jacobsen 100 ár. Dagurin varð hildin á Tjarnargarði, og Mathilda stóð sjálv og tók ímóti, tá ið gestirnir komu. Hon var heima á Peturstrøð fyrr um dagin og bakaði vaniljukransar til føðingardagin. Vaniljukransarnar tók hon við sær á Tjarnargarð, har hon hevur búð seinasta árið. Tá ið eingir stólar vóru eftir at seta seg á, tá ið føðingardagurin varð hildin, segði Mathilda, at tað bilti einki, tí hon kundi bara standa. Annika Olsen, borgarstjóri, helt røðu fyri Mathildu.

Tíðindi - 14. desember 2020
Steðgiforboð í N. Finsens gøtu og á Hoydalsvegnum

Í sambandi við koyringina hjá jólabussinum verður steðgiforboð í N. Finsens gøtu við Marjun Heimá, og á Hoydalsvegnum við KFUM.

Steðgiforboðið er galdandi frá kl.12 til 20. Á- og avskipan er loyvd.

Tíðindi - 14. desember 2020
Soleiðis verður ruskið heintað um jólini

Alt ruskið í Tórshavnar kommunu verður heintað um jólini. Men í ár verður alt ruskið innsavnað tríggjar teir fyrstu dagarnar í viku 52 og viku 53.

Tíðindi - 11. desember 2020
EM-vinnarin vil sleppa at rógva fyri Føroyar

Fyrrapartin var EM-meistarin saman við manni, foreldrum og verforeldrum á gátt hjá borgarstjóranum, Anniku Olsen.

Tíðindi - 11. desember 2020
Jólabussur í ringleið frá mánadegnum

Fyri at bøta um trýstið á vegir og parkeringsøki í miðbýnum, seta vit eyka ringleið inn frá mánadegnum 14. desember. 

Tíðindi - 10. desember 2020
4-10 flutt út á Argir

Seinnapartin var móttøka í gamla skúlanum á Argjum, nú sertilboð hjá Skúlanum á Fløtum til næmingar úr 4. til 10. flokki. Tilboðið eitur 4-10.

Tíðindi - 10. desember 2020
Arkitektaflokkkur sýnir fram í Müllers Pakkhúsi

Ein framsýning við arkitektalesandi verður sunnudagin í Müllers Pakkhúsi. Framsýningin letur upp klokkan kl.14.