Tíðindi

Skipað varð í dag fyri forvitnisligari móttøku á bryggjarínum í OY, nú komið er á mál við átakinum “Nýskapan í landbúnaðarferðavinnuni” og verkætlanirnar eru til reiðar at royna flogið. Um 200 áhoyrarar luttóku á endatiltakinum á bryggjarínum OY í dag. Átakið er skipað sum eitt samstarv millum Hugskotið, Visit Tórshavn og Visit Faroe Islands. Endamálið er at menna nýggjar spírar innan landbúnaðarferðavinnu og tryggja hesum bestu møguleikar at eydnast.

Mannagongdirnar fyri tyrving verða nú broyttar, og tí fer Brennistøðin á Hjalla at hava kunnandi fund fyri vinnuni  í Tórshavnar kommunu týsdagin 12.mars klokkan 19. Fundurin er í kantinuni á Brennistøðini á Hjalla.

Nú ber til at tekna seg til lutakast um grundstykkir í Hamrabøi í Kollafirði, ið eru latin inn aftur til Tórshavnar kommunu. Talan er um trý grundstykki í útstykking frá 2017. Freistin at tekna seg til lutakastið er 4. apríl 2024.

Í sambandi við kloakkarbeiði í Bókbindaragøtu verður eingin ferðsla frá Jónas Broncks gøtu til Djóna í Geils gøtu mánadagin 11. mars frá kl. 8.30 til kl. 24.

Í dag var móttøka á Sambýlinum oman Hoydalar í samband við, at 25 ár eru liðin, síðani sambýlið varð tikið í nýtslu.

Nógv fólk var komið saman at hátíðarhalda dagin. Røður og tónleikur vóru á skránni

Í sambandi við Grækarismessuhald, verður  Niels Finsens gøta stongd frá Sverrisgøtu oman til Vaglið og Mylnugøtu sunnudagin 10. mars frá kl. 14.30 til 16.

Býarlundin er fyrsta stig í at fremja ætlanina um grønu gongugøtuna og býarlundina. Arbeiðið varð boðið út í høvuðsarbeiðstøku til 5 veitarar á heysti í 2023, og komu 4 tilboð inn. Grønt og grátt góvu besta tilboðið og fara komandi vikurnar at seta skjøtil á arbeiðið, sum eftir ætlan verður liðugt á sumri í 2024.

Nú ber aftur til at ynskja pláss í Lonunum í Hoydølum. Meðan arbeitt hevur verið við staðsetingini av stovninum, hevur ógreiða valdað um, hvørt stovnurin skuldi halda áfram í Hoydølum. Tískil hevur heldur ikki verið møguligt at seta seg á bíðilista til Lonirnar í Hoydølum.

Í sambandi við asfaltering av vegbungu, verður partur av Jónas Broncks gøtu stongdur frá hóskvøldinum 7. mars kl. 23 til fríggjamorgunin 8. mars kl. 6.

Heðin Mortensen, borgarstjóri, tók í fyrraárið stig til beinanvegin at útvega fígging og at fara undir at gera standmyndina av Andreu Árting, ið skal setast upp í Steinatúni.