Stjórnarskrivstovan arbeiðir við øllum kommunalum virksemi.
Borgarstjórin hevur skrivstovu á Ráðhúsinum, og starvsfólkini á Stjórnarskrivstovuni ráðgeva borgarstjóra, stjórn, býráðsnevndum og øðrum deildum í fyrisitingini viðvíkjandi kommunalum spurningum.
Deildin umsitur keyp og sølu av føstum ognum, samráðist og ger leigusáttmálar og skeyti vegna Tórshavnar kommunu og vegleiðir í samband við kærumál og rættarmál. Deildin hevur eisini ábyrgdina av kommunalu skattakærufyrisitingini og hevur umboðan hjá kommununi um hendi.
Stjórnarskrivstovan
Arbeiðsøki
Arbeiðið hjá Stjórnarskrivstovuni fevnir um hesi øki:
Ráðgeving til borgarstjóra, stjórn, nevndir og kommununa annars
Móttøku hjá borgarstjóra
Løgfrøðiliga ráðgeving
Altjóða samstarv
Almennar vitjanir
Tíðindaflutning
Skipan av deildini
Stjórnarskrivstovan er skipað undir kommunustjóranum.
Deildin er býtt upp í eindir. Eindirnar á Stjórnarskrivstovuni eru:
Løgfrøðiliga eindin
Samskiftiseindin
Skrivstovufólk
Magnus Dam er leiðari á Stjórnarskrivstovuni. Aftur at leiðaranum starvast tíggju starvsfólk á Stjórnarskrivstovuni. Vit hava:
Ein løgfrøðing
Tvey samskiftisfólk
Seks skrivstovufólk
Um Stjórnarskrivstovuna
Stjórnarskrivstovan heldur til á Ráðhúsinum á Vaglinum 1.
