Tórshavnar kommuna
Umsóknarfreist
mánadagur 6. februar 2023
Arbeiðstíð
25 tímar um vikuna
Setanarslag
Tíðaravmarkað starv
Arbeiðsstaður
Hoyvík
Spurningar til starvið
Katrin Helgadóttir
217496
katrinhe@torshavn.fo Søk starvið
Lurta

Starvsfólk til Býlingshúsið millum Gilja

Tórshavnar Kommuna søkir vegna Býlingshúsið millum Gilja eftir starvsfólki í vøggustovuna at starvast 25 tímar um vikuna.

Í Býlingshúsinum millum Gilja hava 45 børn sína dagligu gongd saman við 10 starvsfólkum, 5 námsfrøðingum og 5 hjálparfólkum.

Starvsfólkahópurin er væl blandaður og hevur sera nógva vitan, royndir og ressursir í millum sín – sum er ein styrki í arbeiðinum við børnunum. Hetta skapar gott grundarlag fyri samstarvi og vitanardeiling, sum eru umráðandi amboð í okkara praksis.

Námsfrøðiliga arbeiðið er grundað á menningina hjá einstaka barninum. Nøkur hugtøk ið hava nógv at siga í okkara gerandisdegi eru: ymiskleiki, viðávirkan og relatiónir.

Heldur tú at hetta er nakað fyri teg og ynskir tú at verða ein partur av okkara toymi, so er at søkja.


Vit vænta, at:            

  • tú megnar at arbeiða sjálvstøðugt og kanst taka avgerðir
  • tú ert nærverandi og empatisk/-ur
  • tú ert ein aktivur luttakari í at menna námsfrøðiliga arbeiðið á stovninum


Vit bjóða tær:

  • eitt starv, har trivnaður og faklig menning verður høgt raðfest
  • eitt starv, har tú fært fyrireikingartíð
  • ein fjølbroyttan gerandisdag har tú hevur møguleika at seta tín dám á arbeiðið


Setanarviðurskifti

Starvið verður sett sambært sáttmála millum Føroya Pedagogfelag og Kommunala Arbeiðsgevarafelag Føroya.

Starvsbyrjan er 7. februar 2023 ella eftir nærri avtalu.


Umsókn

Tú søkir starvið við at trýsta á grøna knøttin »Søk starvið«. Umsóknin skal, saman við prógvum, CV og møguligum viðmælum vera Tórshavnar Kommunu í hendi seinasta lagi 6. februar 2023.


Meira fæst at vita

Um tú hevur spurningar til starvið, kanst tú seta teg í samband við Katrin Helgadóttir, stovnsleiðara, á telefon 21 74 96 ella t-post: katrinhe@torshavn.fo