Námsfrøðingar og avloysarar til Dagstovnin Sankta Jósefs
Føroya elsti dagstovnur søkir eftir námsfrøðingum, so ert tú áhugað/-ur at gerast partur av einum dugnaligum og jaligum starvsfólkahópi? so er tað tær vit hava tørv á.
Vit søkja eftir námsfrøðingum at arbeiða 25-40 tímar um vikuna í vøggustovu og barnagarði, og avloysarum, ið kunnu traðka til, tá tørvur er á teimum.
Størvini verða sett 3. august 2026 ella eftir nærri avtalu. Um so er, at ongin námsfrøðingur søkir, kunnu hjálparfólk vera sett.
Um okkum:
Í Dagstovninum Sankta Jósefs eru tvær vøggustovur við 10 børnum og tríggjar barnagarðsstovur við 15 børnum.
Dagstovnurin Sankta Jósefs er elsti dagstovnur í Føroyum. Vit liggja mitt í býnum, við góðum, fjølbroyttum uttandura leikaumhvørvi, tætt við viðarlundina, ítróttarøki í Gundadali og náttúruna annars. Vit elska at fara túrar, at síggja og uppliva ymiskt saman við børnunum.
Vit vænta, at tú:
- ert fús/-ur at arbeiða við okkara námsfrøðiligu grundvirðum
- ert fyrikomandi og samstarvsinnað/-ur
- ert íðin at skapa ein innihaldsríkan gerandisdag fyri børn og starvsfólk
- tekur ábyrgd, ert sjálvstøðug/-ur og hevur gott yvirlit
- sær møguleikar heldur enn forðingar
- at tú dámar avbjóðingar
- hevur gott samstarv við foreldur og avvarðandi
Vit bjóða tær:
- eitt spennandi og avbjóðandi starv
- eitt starv, har tú saman við góðum starvsfeløgum fart góðar upplivingar saman við børnunum
- tú hevur ávirkan á innihaldi í gerandisdegnum
- fasta fyrireikingartíð í vikuætlanini
- faklig sparring frá leiðslu og starvsfeløgunum
Setunarviðurskifti
Løn sambært sáttmála millum Føroya Pedagogfelag og Kommunala Arbeiðsgevarafelagið.
Sambært §2 í Barnaváttanarlógini hevur Tórshavnar Kommuna skyldu at fáa barnaváttan til vega, áðrenn umsøkjari verður settur í starv.
Umsókn
Tú søkir starvið við at trýsta á grøna knøttin »Søk starvið«. Umsóknin skal, saman við prógvum, CV og møguligum tilmælum, vera Tórshavnar Kommunu í hendi seinasta lagi týsdagin 23. juni 2026.
Samband
Ynskir tú at vita meira um størvini, kanst tú venda tær til Harald Joensen, stovnleiðara, á telefon 21 34 25, ella við at skriva teldupost til haraldj@torshavn.fo