Søk um hjálpartól ella bústaðartillaging

Ert tú fólkapensjónistur, og ivast tú í, hvat er best fyri teg, ella hvussu tú skalt bera teg at við at fáa hjálp, kanst tú fyrst og fremst venda tær til ergoterapeuttoymið í Tórshavnar kommunu.

Ergoterapeutarnir kunnu millum annað hjálpa tær við at:

• Meta um tín tørv á hjálpartólum og bústaðartillaging
• Útgreina tínar møguleikar fyri hjálp; til dømis greiða tær frá ymisku sløgunum av hjálpartólum
• Hjálpa tær at søkja um hjálpartól
• Hjálpa tær at søkja um bústaðartillaging
• Vegleiða teg í at seta bústaðartillagingarnar í verk
• Vegleiða teg og tíni avvarðandi í at nýta hjálpartólini

Tú kanst útfylla umsóknarblaðið um ergo- og fysioterapi. Minst til at viðmerkja í umsóknini, at tú ynskir hjálp og vegleiðing til hjálpartól ella bústaðartillaging.

Søk um vegleiðing til hjálpartól ella bústaðartillaging

Tú fært svar, tá vit hava viðgjørt tína umsókn.

Tá tú hevur søkt um hjálp og vegleiðing til hjálpartól ella bústaðartillaging, setur ein ergoterapeutur seg í samband við teg. Saman við tær gera vit eina førleikametan og meta um tín tørv á hjálpartólum ella bústaðartillaging.

Samstundis ráðgeva vit og meta um, hvørt tú kanst megna gerandisuppgávur og kropsligar avbjóðingar, ella um tørvur er á øðrum ergo- ella fysioterapeutiskum tilboðum frá Heilsu- og umsorganartænastuni.

Tilboðini, sum ergo- og fysioterapeuttoymini kunnu veita, eru hesi:

• Meting og ráðgeving
• Rehabilitering
• Endurvenjing sum einstaklingavenjing
• Endurvenjing í bólki
• Fyribyrgjandi venjing í FIMI

Hevur tú spurningar til okkum, kanst tú ringja til móttøkuna í Heilsuhúsinum á tel. 30 20 00 og spyrja eftir einum ergoterapeuti. Telefonin svarar mánadag til hósdag kl. 8 – 15.30 og fríggjadag kl. 8 - 15.

HEILSUHÚSIÐ

Brekkutún 1
188 Hoyvík

Tel. 30 20 00
heilsuhusid@torshavn.fo

Vitja síðurnar hjá ymisku tilboðunum fyri at kunna teg nærri um tænasturnar. Nýt leinkjurnar niðanfyri.

Meting og ráðgeving

Rehabilitering

Endurvenjing sum einstaklingavenjing

Endurvenjing í bólki

Fyribyrgjandi venjing í FIMI

Tú kanst søkja um hjálpartól, um tú ella títt barn hevur niðursettan førleika orsakað av likamligum ella sálarligum breki ella varandi sjúku.

Almannaverkið kann játta stuðul, um hjálpartólini:

• eru neyðug fyri at vera í arbeiði
• munandi bøta um varandi avleiðingarnar av sjúkuni ella brekinum
• munandi lætta um gerandisdagin í tínum heimi

Tú kanst lesa nærri um treytirnar á heimasíðuni hjá Almannaverkinum og í § 18 b í Forsorgarlógini.

Almannaverkið (av.fo)

Forsorgarlógin (logir.fo)

Tú kanst søkja um stuðul til bústaðarbroytingar, um tínir likamligu ella sálarligu førleikar eru munandi ella varandi avmarkaðir. Treytin er, at broytingin er neyðug fyri at gera bústaðin betur egnaðan hjá tær at vera í.

Stuðulin til bústaðarbroyting fevnir bara um neyðugar broytingar, so sum at skipa fyri serligum atkomuviðurskiftum og at laga umstøðurnar til serlig hjálpartól, til dømis til lyftur, koyristólar og tílíkt.

Tú kanst kunna teg nærri um treytirnar og møguleikarnar á heimasíðuni hjá Almannaverkinum og í § 18 e í Forsorgarlógini.

Almannaverkið (av.fo)

Forsorgarlógin (logir.fo)

Hevur tú spurningar um hjálpartól ella bústaðartillagingar, kanst tú fáa persónliga vegleiðing við at seta teg í samband við Almannaverkið. Tú finnur sambandsupplýsingarnar á heimasíðuni hjá Almannaverkinum. Minst til at hava P-tal og møguligt málsnummar klárt.

Ert tú fólkapensjónistur kanst tú fáa persónliga vegleiðing við at søkja um ergo- ella fysioterapi á Vanganum. Tá ið tú hevur fylt út umsóknarblaðið seta vit okkum í samband við teg. Saman við tær meta vit um tín tørv á bústaðartillaging og meta um, um tú hevur tørv á øðrum ergo- ella fysioterapeutiskum tilboðum frá Heilsu- og umsorganartænastuni.

Hevur tú spurningar, ella ivast tú, kanst tú ringja til móttøkuna í Heilsuhúsinum á tel. 30 20 00 og spyrja eftir einum ergoterapeuti. Telefonin svarar mánadag til hósdag kl. 8 – 15.30 og fríggjadag kl. 8 - 15.

HEILSUHÚSIÐ

Brekkutún 1
188 Hoyvík

Tel. 30 20 00
heilsuhusid@torshavn.fo