Søk um hýruvognsloyvi

Nýt knøttin omanfyri og fyll umsóknarblaðið út. Hetta kanst tú gera á telduni. Umsóknarblaðið skalt tú senda í telduposti til torshavn@torshavn.fo.

Tá vit hava móttikið tína umsókn, fært tú eina kvittan við telduposti, sum váttar, at umsóknin er send kommununi.

Tú skalt viðfesta avrit av reinari revsiváttan og avrit av koyrikorti við átekning til hýruvognskoyring.

Bara einstaklingar kunnu søkja. Harafturat eru hesar treytir:  

• Tú kanst bara fáa eitt loyvi, sum umfatar ein hýruvogn
• Loyvið er persónligt og kann ikki seljast ella latast øðrum
• Tú kanst bara fáa hýruvognsloyvi, um tú hevur váttan fyri, at tú fert at koyra frá einari hýruvognsstøð. Hetta merkir eisini, at gevst tú at koyra frá hýruvognsstøð, verður loyvið tikið aftur

Tú kanst lesa meira um treytirnar í reglugerðini fyri hýruvognsstøðir og í hýruvognsreglugerðini fyri Tórshavnar kommunu.

Reglugerðin fyri hýruvognsstøðir í Tórshavnar kommunu

Hýruvognsreglugerðin fyri Tórshavnar kommunu

Tú kanst søkja, tá kommunan hevur lýst við einum tøkum loyvi. Býráðið ásetur talið av loyvum í kommununi.

Umsitingin og Vinnunevndin í Tórshavnar kommunu viðgera tína umsókn. Sum partur av okkara viðgerð, biðja vit um ummæli frá Auto og Bil, áðrenn vit lata loyvið. Vinnunevndin í Tórshavnar kommmunu tekur endaligu avgerðina.

Tú fært boð frá kommununi eftir fundin í Vinnunevndini.

Loyvið verður givið fyri fimm ár í senn.

Ja, men málið skal leggjast fyri Vinnunevndina. Hvørt tú kanst endurnýggjað loyvið er treytað av, at tú sum loyvishavari ikki grovt ella ofta hevur brotið tínar skyldur eftir reglugerðini ella treytunum í loyvinum.

Tú skalt søkja um endurnýggjan av loyvinum, áðrenn fimm ára loyvistíðarskeiðið er lokið.