Lurta
Til lesiveik

Útboð í kommununi

Á hesari síðuni kanst tú kunna teg um verkætlanir og tænastur, sum Tórshavnar kommuna bjóðar út. Her kanst tú eisini lesa um innkeyps- og útboðspolitikkin hjá kommununi.

Innkeyps- og útboðspolitikkurin ásetur, hvussu stovnar í kommununi skulu bera seg at í sambandi við keyp av vørum og tænastum. Yvirskipaða endamálið við politikkinum er, at peningurin hjá skattgjaldaranum skal nýtast so munagott sum gjørligt, og at innkeyp og útboð í Tórshavnar kommunu skal fara fram eftir meginreglum. Hetta skal tryggja úrslit, gjøgnumskygni og líka viðferð av veitarum.



Útboð í løtuni
Undangóðkenning (prækvalifikatión) í sambandi við útbjóðing av bussleiðini í Tórshavnar kommunu

Bussleiðin í Tórshavnar kommunu skal bjóðast út av nýggjum. Kommunan bjóðar í hesum sambandi áhugaðum arbeiðstakarum, ella samtaki av arbeiðstakarum, at senda inn umbøn um undangóðkenning.

Arbeiðið fevnir um at umsita og reka bussleiðina í Tórshavnar kommunu tíðarskeiðið 2023-2030.

Tórshavnar kommuna ætlar at undangóðkenna 3–5 arbeiðstakarar, tó í minsta lagi 3 arbeiðstakarar, ið sleppa at lata tilboð uppá bussleiðina. Tilboðsgevarar verða undangóðkendir eftir einari heildarmeting, ið er grundað á virkislig, faklig og fíggjarlig førleikakrøv og royndir.

 

Innlating av umbøn um undangóðkenning

Umbønir um luttøku mugu lúka umsóknarkrøvini í viðfesta skjali niðanfyri og skulu latast inn á útboðsportalinum hjá Tórshavnar kommunu.

Gev gætur: Áhugaðir umsøkjarar skulu sum tað fyrsta, og skjótast gjørligt, stovna sínar fyritøkur á útboðsportalinum. Á útboðsportalinum finnur tú vegleiðingar til, hvussu tú gert.

Tá tú stovnar fyritøkuna, verður tú biðin um at flokka fyritøkuna. Her skalt tú syrgja fyri at skráseta fyritøkuna undir vinnubólkinum »Bussleiðin«, ið hoyrir undir høvuðsvinnubólkin »Ráðgevara- og tænastuvinna«.

Seinasta freist at lata inn umbøn um luttøku er mánadagin 9. august 2021 kl. 12. Nærri lýsing av arbeiðinum, útboðsmannagongdini og krøv til umsóknina finnur tú her:


Spurningar um undangóðkenningina

Hevur tú sum arbeiðstakari ella samtak av arbeiðstakarum ivamál ella spurningar til undangóðkenningina, kanst tú seta tínar spurningar inni á útboðsportalinum. Á hendan hátt fáa allir veitarar somu kunning.

Vit svara øllum spurningum fram til mánadagin 26. juli 2021 kl. 12.

Leinki til útboð á útboðsportalinum

Útboðsportalin finnur tú her: 

Útboðsportalurin (utbod.torshavn.fo)

Um útboðsportalin
Hvat er útboðsportalurin?

Útboðsportalurin er ein talgild skipan, sum ger tað lætt hjá veitarum at lata kommununi tilboð og fylgja við í útboðum og tilboðsfyrispurningum frá kommununi. Øll útboð og allir tilboðsfyrispurningar viðvíkjandi rakstrinum í Tórshavnar kommunu fara umvegis útboðsportalin.

Tú finnur útboðsportalin her:

Útboðsportalurin (utbod.torshavn.fo) ↗

Hvør kann nýta útboðsportalin?

Allar fyritøkur við føroyskum V-tali kunnu skráseta seg á útboðsportalinum. Á portalinum finnur tú vegleiðingar til, hvussu tú stovnar títt virki, og hvussu tú stovnar brúkarar.