Vilt tú tryggja tær, at vit heinta tín ruskposa og grøna ílatið, mást tú syrgja fyri, at viðurskiftini eru í lagi á tínum bústaði, soleiðis at ruskinnsavningin sleppur framat.
Les meira um treytirnar fyri ruskinnsavningina á síðu okkara um ruskinnsavning og í reglugerðini um burturbeining av húsarhaldsburturkasti.
Vilt tú vita, hvørjar dagar vit koma eftir ruskinum, kanst tú kanna tað á síðuni »tíni hús og tín grund«. Har kanst tú skjótt og ómakaleyst finna útav, hvat er galdandi á tínum matrikkli.
Í grøna kalendaranum sært tú, hvørjar dagar Endurnýtslan er stongd ella hevur avmarkaðar upplatingartíðir.
Varnast tú rusk á kommunalum øki, so gev okkum vinaliga eitt prei. Tað kanst tú gera í fráboðanarskipan okkara, sum tú finnur her:
6. til 13. mai er umhvørvisvika. Í ár snýr umhvørvisvikan seg um flutning. Her kanst tú lesa um ársins umhvørvisevni og taka skránna niður.
Í mai skipa vit aftur fyri ruddingardøgum í Tórshavnar kommunu. Seinasta freist at tekna seg til ruddingardagarnar er hósdagin 11. mai. Les um ruddingardagarnar og melda til her.
Ivast tú í, hvørja hitaskipan tú skalt velja? Ella vilt tú vita, hvussu vit kunnu skipa okkara samfelag so burðardygt sum gjørligt? Her kanst tú leita tær orkuráð til tíni hús, kunna teg um ymisku orkuloysnirnar og lesa um hitaætlanirnar, ið eru í umbúna í Tórshavnar kommunu.
| Mánadag - hósdag | 8 | - | 17 |
| Fríggjadag | 10 | - | 17 |
| Leygardag (bara privat burturkast) | 10 | - | 17 |