Vitja endurnýtsluna
Á endurnýtslunum í Havn, Kollafirði og Nólsoy sleppur tú av við meginpartin av tínum burturkasti. Endurnýtslan á Hjalla er tó tann einasta, sum tekur ímóti vinnuligum burturkasti.
Ert tú privatborgari, og vilt tú vita, hvussu tú skilir títt burturkast rætt heima við hús, og hvussu tú beinir burturkast rætt burtur á móttøkuplássum, kanst tú kunna teg nærri á síðu okkara um at skilja burturkast.
Soleiðis skilir tú títt burturkast
Her finnur tú endurnýtslurnar
Á kortinum niðanfyri sært tú tey fýra endurnýtsluplássini í kommununi og tyrvingarplássið á Nýggjheiðum. Á Google Street View sært tú, hvussu plássini síggja út.
Vitja Endurnýtsluna á Hjalla (Google Street View)
Vitja endurnýtsluna í Kollafirði (Google Street View)
Vitja endurnýtsluna í Nólsoy (Google Street View)
Vitja endurnýtsluna í Hesti (Google Street View)
Endurnýtslan á Hjalla
Á Hjalla 3
188 Hoyvík
Telefon 30 20 40
Upplatingartíðir
Mánadag til hósdag klokkan 8-17
Fríggjadag klokkan 10-17
Leygardag klokkan 10-17
Brennistøðin á Hjalla (silohøllin)
Á Hjalla 3
188 Hoyvík
Telefon 30 20 40
Upplatingartíðir
Mánadag til hósdag klokkan 8-16
Fríggjadag klokkan 10-16
Jarnplássið á Hjalla
Á Hjalla 5
188 Hoyvík
Telefon 30 20 40
Upplatingartíðir
Mánadag til hósdag klokkan 8-16
Fríggjadag klokkan 10-16
Endurnýtslan í Kollafirði
Við Sjógv 46
410 Kollafjørður
Telefon 21 12 38
Upplatingartíðir
Mikudag klokkan 17-20
Leygardag klokkan 13-17
Endurnýtslan í Nólsoy
Malarendavegur 22
270 Nólsoy
Telefon 21 12 38
Upplatingartíðir
Mikudag klokkan 17-20
Leygardag klokkan 14-17
Endurnýtslan í Hesti
Kvíggjarvegur
280 Hestur
Telefon 21 12 38
Upplatingartíðir
Endurnýtslan er opin alt samdøgrið
Tyrvingarplássið á Nýggjheiðum
Vestmannavegurin 70
340 Kvívík
Telefon 41 42 43
Upplatingartíðir
Mánadag til hósdag klokkan 9-15
Fríggjadag klokkan 9-14
Tinghúsið á Hjalla
Á Hjalla 5
188 Hoyvík
Telefon 35 00 70
Móttøkutíðir í Endurnýtsluni
Mikudag klokkan 8-17
Leygardag klokkan 10-17
Upplatingartíðir í handlinum
Týsdag til fríggjadag klokkan 12.30-16
Ynskir tín fyritøka at sleppa av við burturkast, kanst tú avhenda burturkastið á Endurnýtsluni á Hjalla, í silohøllini á Brennistøðini, jarnplássinum á Hjalla ella á tyrvingarplássinum á Nýggjheiðum omanfyri Kvívík.
Alt burturkast, sum ikki stavar frá privatum húsarhaldum, er gjaldsskyldugt vinnuburturkast.
Endurnýtslan á Hjalla tekur ikki móti vinnuburturkasti leygardagar.
Alt tyrviburturkast frá vinnuni skal koyrast til støðina á Nýggjheiðum omanfyri Kvívík.
Privat húsarhald skulu framvegis beina tyrviburturkast burtur á kommunalu endurnýtslunum.
Skráset teg sum viðskiftafólk hjá IRF og Tórshavnar kommunu
Hevur tú ikki áður latið burturkast til IRF, mást tú skráseta teg sum nýtt viðskiftafólk. Tað gert tú við at ringja til koyrideildina hjá IRF á telefon 41 42 43 og upplýsa navn, bústað, bygd/bý, postnummar og teldupostadressu. Vit biðja teg eisini upplýsa, um fyritøkan ynskir at stovna eina gjaldsavtalu.
Mannagongd á Nýggjheiðum
- Ein uppgáva skal vera stovnað frammanundan, áðrenn bilurin sleppur av við burturkastið á Nýggjheiðum.
- Tú stovnar uppgávuna við at ringja til kundatænastuna hjá IRF á telefon 41 42 43. Gev gætur, at starvsfólkini á Nýggjheiðum fáa ikki stovnað uppgávuna.
- Minst til, at bilurin skal vigast, tá ið hann kemur inn á støðina, og tá ið farið verður avstað aftur.
Soleiðis skal tyrviburturkast skiljast
Tyrviburturkast skal skiljast í hesar bólkar:
- Asbest og eternitt
- Glasull og steinull
- Gips
- Blandað tyrviburturkast
Tað er sera umráðandi, at tú fylgir reglunum fyri handfaring av vinnuliga tyrviburturkastinum. Reglurnar sært tú her:
Á myndini niðanfyri sært tú, hvussu móttøkuplássið á Hjalla er skipað, og hvussu frægast er at pakka bilin, áðrenn tú fert á Endurnýtsluna við burturkastinum.
Tú kanst síggja, hvussu tú skilir títt burturkast, og hvussu tú letur burturkast inn til Endurnýtsluna, á síðu okkara »Soleiðis skilir tú títt burturkast«.
Tað er ókeypis at avhenda burturkast frá smærri umvælingum á Endurnýtsluni. Treytin er, at burturkastið kemur frá egnum bústaði, og at tú letur burturkastið inn við vanligum bili við lítlum viðfestisvogni. »Smærri umvælingar« merkir, at nøgdin av burturkasti er minni enn tveir rúmmetrar. Samlaða vektin fyri bil við viðfestisvogni má í mesta lagi vera 3500 kilo.
Letur tú burturkast inn á móttøkuplássið við akfari og viðfestisvogni omanfyri 3500 kilo, rokna vit altíð burturkastið sum gjaldskyldugt vinnuburturkast. Burturkast frá nýbygging og frá størri umbyggingum og umvælingum av privatum og vinnuligum bygningum rokna vit somuleiðis sum vinnuligt burturkast.
Tað er ókeypis at lata lítlar nøgdir av mold inn á Endurnýtsluni á Hjalla, har urtagarðsburturkast verður burturbeint. Størri nøgdir av mold skulu burturbeinast á tyrvingarplássinum á Nýggjheiðum omanfyri Kvívík.
Tú kanst lata urtagarðsburturkast ókeypis inn á Endurnýtsluni. Er skøra uppií urtagarðsburturkastinum, skalt tú tó minnast til at beina tað í bingjuna »Restburturkast«. Hetta fyri at fyribyrgja, at skøran spjaðir seg.
Mold í lítlum nøgdum kann fara á Endurnýtsluna á Hjalla, har urtagarðsburturkast verður burturbeint, meðan mold í stórum nøgdum (t.e. meira enn ein viðfestisvognur) er vinnuburturkast og skal burturbeinast á tyrvingarplássinum á Nýggjheiðum omanfyri Kvívík.
Sumt burturkast má ikki brennast og skal heldur tyrvast. Hetta kann til dømis vera gips, bjálving (glas- og steinull), tilfar við PVC-innihaldi, asbest, eternitt og tílíkt.
Tú kanst lata tyrviburturkast frá privatum húsarhaldi inn á Endurnýtsluni. Alt tyrviburturkast frá vinnuni skal hinvegin koyrast til nýggju støðina í Nýggjheiðum oman fyri Kvívík. Les meira um vinnuligt burturkast og tyrving omanfyri á hesari síðuni.
Asbestburturkast
Privatborgarar við akførum niðanfyri 3500 kg skulu koyra jarnburturkast í jarnbingjurnar á Endurnýtsluni. Kunna teg nærri á síðu okkara »Soleiðis skilir tú títt burturkast«.
Soleiðis skilir tú títt burturkast
Vinnuligt jarnburturkast
Skrottjarnið skal vigast á vektini hjá Endurnýtsluni við innkoyringina til rusksiloina. Nøgdir upp í 200 kg kunnu vigast á plattavekt. Skrottið verður vigað á veg inn, áðrenn avskiping, og á veg út aftan á avskiping. Ivast tú í onkrum, kanst tú gera vart við teg á Endurnýtsluni ella ringja á telefon 30 20 40.
Jarnburturkast frá vinnuni skal latast inn á jarnplássinum, til dømis stórir jarnlutir so sum bingjur, gravimaskinur og flakalinjur. Jarnplássið tekur eisini móti bingjum við blandaðum jarnburturkasti, sum billutir og tílíkt.
Endurnýtslan letur pening fyri gamalt jarn og onnur sløg av metallum, millum annað kopar og aluminium. Skrottjarn skal viga í minsta lagi 200 kg, fyri at tú kanst fáa pening afturfyri. Aluminium og kopar kunnu kortini viga minni (í minsta lagi 40 kg). Hetta skal vigast á plattavekt.
Fyri at skrottið kann bólkast í ávísan vørubólk, skal skrottið alt vera sama slag. Eru fleiri sløg blandað saman, til dømis jarn og aluminium, verður alt skrottið bólkað í vørubólkin við minsta gjaldinum.
Bilvrak skulu altíð latast inn á jarnplássinum uttan mun til, um tey eru privat ella vinnulig.
Avroð, slakt og fiskaslógv skalt tú lata inn í bingjuna »Lívrunnið«, sum tó bara stendur frammi eftir árstíð. Er hendan bingjan ikki frammi, skalt tú lata avroð og upptøku inn í bingjurnar »Restburturkast«.
Tú kanst grava fiskaslógv niður á egnari grund við teirri treyt, at hetta ikki er til ampa ella heilsuvanda fyri grannarnar og umhvørvið.
Hevur tú gamlan húsbúnað, lampur ella annað innbúgv, sum tú vilt sleppa av við, men sum er ov gott at tveita burtur, kanst tú lata hetta í bingjuna hjá Dugna á Endurnýtsluni á Hjalla. Við hesum stuðlar tú arbeiðinum hjá Dugna, tú hugsar um umhvørvið og minkar um dálking. Dugni eftirkannar og vaskar allar lutir, áðrenn teir fara út í handilin.
Peningurin frá søluni í Tinghúsinum hjá Dugna fer til at førleikamenna vinnutarnaðar borgarar.
Bingjan hjá Dugna er opin hesar tíðir:
Mikudag kl. 8-17
Leygardag kl. 10-17
